PRASASTI BRAHMANA

1.b.      Om  Awighnam  Astu.

            Pangaksama ning hulun, ri pada Bhatara Hyang Sinuhun, ri Sang ginalaring sari ning  Om_Karatna-mantra, radampati umungguh ring  pantaran ikang  nilotpala hredaya, pretista siniram den ikang sapta gangga, bastiti dening Astra-mantra, tutug tekeng pranayama, dirgakrama tekeng kreta Sanghyang Sarwajnyana, yan nutug Brahmangga Wisnwangga Siwangga, tan adoha pwakanang Tritatwa, sangkep tang puja saprahara, guhyadiguna yajnya, nirmala wijiling tutuk, tan lena uminta nugraha sangulun, prasida rumanycana ng kata, maran tan katama ning upadrawa de Bhatara Hyang Mami, wastu paripurneng manemwaken ayu, dirga yusa tekeng sakulagotra santana, mawastu jagathitaya, moga langgeng  sinewa-sewaheng bumi, Om Nama Siwaya.

Hana pwa sira mangke wuwusan, sira sang Pandya maka patang siki, padarsa pwa sira asanak, ikang panwa, panengeran Ida Mpu Giri Natha, ikang ari, panengeran Ida Mpu Nawasika, ikang anom, /pang

2.a. Ngeran Ida Mpu Panataran, ikang uruju, panengeran Ida Mpu Kepakisan, kunang Ida Mpu Srinata, maputra jalu roro saking papadan, ikang panwa, panengeran Ida Mpu Angsoka, ikang ari, panengeran Ida Mpu Nilarta, wekasan  Ida Mpu Nilarta, wawu apisan,1, kesah saking Majapahit, lunga maring Daha, denira Mpu Nawasika, maputra istri kakung roro, ikang panwa, istri Ni Dayu Melanting, ikang ari, panengeran Ida Wiraga, wekasan Ida Mpu Nilarta, kesah saking Daha, lunga mareng Pasurwan, denira Mpu Panataran, maputra kakung patpat, ikang panwa, panengeran Ida Kulwan, ikang ari, panengeran Ida Ngetan, ikang Anom, panengeran Ida Lor, ikang uruju, panengeran Ida Ler, wekasan Ida Mpu Nilarta, kesah saking Pasurwan, lunga maring Brambangan, denira Dalem, maputra istri kakung tatiga, ikang panwa, istri Ni Dayu Bukcabe, ikang ari, panengeran Ida Telaga, ikang anom, panengeran Ida Keniten, alawas yan apa kala, Ida Mpu-

2.b. Nilarta, anga -/- lih maring Baliraja, sadateng ira ring Purancak, neher ilang putrane istri panwa, anging luputing tuwa-pati, matangyaa kanggeh Dalem ing Malanting, tumuluy prapta Ida Mpu Nilarta ring GadingWani, irika sinungsung dening I Bandesa Mas, mwang ingaturaken anake istri ring Sang Wawu Rawuh, maweka laki petang diri, ikang panwa, mangaran Paranda Wayahan Timbul, Paranda Alangkajeng, Paranda Panarukan, Paranda Sigaran, mwah hana pariwaran anaki Ki Bandesa Mas, inaturaken ri Sang Wawu Rawuh,maweka laki sawiji, mangaran Ida Antapan, wawu ping ,2, yeka kramanira Sang Wawu Rawuh, saksat Sanghyang Triyodasasaksi kotamanira, mawurunturna kramanira, sida Pandita, kahatur ring sira Sang Kahadalem, ring Sweca linggarsapura, matangnya Dang Hyang Sakti Wawu Rawuh, asrama ring Jumpungsiku, tinut anak rabinya sadaya, kunang Ida Wiraga, Ida Kulwan, Ida Ngetan, Ida Lor, Ida Ler, Ida Telaga,l wus pada ingamet rabi, Ida Keniten arabya ring Ni Jero -/- Sebali, we-

3.a. Kasan pangandikan Ida Dang Hyang ;

“ Lakya sira anak insun !”

Didine prasama sira abresiha, tinut pwa sang putra kabeh, sakewanten Ida Telaga mamindah, angin sampun kanugrahin antuk Ida Sang Dwijendra, dening Ida wiku pinda walaka, ika ngaran sucya tan putus, mwah kanugrahan putrane, antuk sang Dwijendra, yan amanggih kawibawan, Dang Hyang Sakti Kamenuh, amanggih kasukan, Dang Hyang Sakti Nhuwaba, amanggih kaweruhan, Dang Hyang Sakti Telaga, amanggih kasidyan, mangkana panugrahane Sang Dwijendra, ring putranira, wenang sira makapatirtayan Ida Mahadalem, ring Sweca-linggarsaputra, wekasan Dang Hyang Wiragasandhi, asrama ring Kemenuh, wekasan ring den Bukit, sira nyantanayang Ida Brahmana Kemenuh, wekasan Ida Kulwan, mangaran Paranda Tembawu, sira lunga ka Sambawa, asrama ring Gunung Apwi, wekasan ring lunga ring Lombok, raris ka Bali, asrama ring Manuwaba, Ida Nyantanayang Ida Brahmana Tembawu, wekasan Ida Ngetan, BERSAMBUNG