Salinan Lontar TENUNG WRESPATI KALPA

 

Salinan Lontar

TENUNG WRESPATI KALPA

Murda Lontar	: Tenung Wrespati Kalpa
Druwe	: Giriya Kawyasastra Besakih
Kasalin olih	: Ida Bagus Bajra
Asrama	: Giriya Kawyasastra Besakih
Puput	: 15 Agustus 2020
Kajilid olih	: YDK.Bali.08.2021
Katureksa olih	:
Kapica	:

 

Om Awignamastu.

Nihan tenung Wrespati Kalpa, ngaran, anut Sapta Wara, mwang anut wotoniya,

Redite, dewaniya Bhatara Indra, kalaniya Sang Dora Kala, bhutaniya sang Bhuta Catus Pata, kakayonaniya Kayu Putih,  manukniya Syung, wayanganiya Panji, lintanganiya tendas marengreng, rasiniya Kumbha panes wotoniya, kweh gringniya tka, langu, Gerah, Mrapah, Panestis, Lesu, Ngibuk, Kahangan, Borok, Edan, Ngdo-Ngdo, yan luh kapejahaniya mati manakan, yan mwani mati ngamuk, wnang carunin ring paibon, wetunya panes, beras, 5, catu, artha, 500, benang, 5, tukel,

1.a. taluh, nyuh, biyu, soroh, 5, dadi asok, sasayutnya mwasta Kusumajati, nasi putih, ayam putih tulus, mapanggang, mapecel ginten, masawur, sekar, 5, swahan, katur ring paibon, yan tan tawurin ika ageng alaniya, malih tekaning laraniya, Langu, srana: suruh, dumla, maswi, teplekan papelenganiya, yan Gerah, srana: kapkap, gamongan, sembar akna laraniya, yan Panestis, srana: rwaning awar-awar, rwaning dapdap, sarwa paptikan, lumurudin, yan Lesu Tan Arep Mangan, tur Ngibuk, Macek-macek awaknya, tan kawasa sirep, srana: carman juwet, isin rong, wdak kna. Malih sembarnya, srana: dawusakling,

1.b.   liligundi, tutuh irungniya, yan pableg-bleg, awaknya, srana: tingkih saka mulan, kapkap, nyuh matunu, wdak kna, pacang lolohnya, srana: bras barak, bawang matambus, tahapakna. 

Yan Coma wetungning rare, dewaniya, Bhatara Soma, talaniya Sang Kalajrang, bhutaniya pulukbo, kakayonaniya pole, manuknya canak, wayangnya togog, mayanya wulan, lintangnya naga, rasiniya moksala, ika mamilara sangkang gringnge makweh, lwir ipun, borok, poleng, parang, anyang-anyangan, nyakitan awak, hnek ati, sula, rumpuh, gendeng-gendengan, menek tuwun laranya, nyakitang basang, lesu, ngibuk, kapjahaniya, mati ngipi.

2.a. yan wadon, mati amah tiwang, polah kawirangan. Ika nagih carunin ring paibon, bras, 4, catu, nyuh, taluh, biyu, benang sami soroh, 4, artha, 400, sasayutnya adulang, mawasta Cita Rengga, mapucuk tunjung biru, ayam brumbun mapanggang mapukang-pukang, mapecel gimbel, mica, masasawur, pinresan isep ireng, yan tan tawurin makweh gringnya. Iki tambanya, yaning Langu, srana: dumbase, maswi, sembar akna, lolohnya srana: dumban kacemcem, yeh juwuk, yeh cuka tawunan, bawang putih, isen kapur, yeh cendana matimbung. Wdaknya, srana: carman cempaka putih, isin rong,

2.b. yeh cendana, urapnya, srana: rwaning nyambu putih, bwah jebug, bawang adas, wdaknya, srana: bata bang, yeh juwuk, don pokpor, tri katuka.

Anggara, wetuning rare, dewaniya, Bhatara Ludra, kalaniya Durga, butaniya Banaspati, mayaniya Lwing, wayangnya Cupak, lintangnya Celeng Sida Malung, rasiniya Gni Sara Dreh, ika mamilara, gringnya makweh, Ring Awaknya, Sarwa Sandiniya Lara, Mwastu Cekehan, Menek Tuwun Laraniya, Koreng, Sing Bengka, Bkuk, Peceng, Rumpuh, ageng laraninya, Babowoh, Nyakitang Basang, Sula, iki nagih carunin ring paibon, bras 3 catu, benang, taluh, biyu soroh 3, artha 300,

3.a.  genep, upekara sesantun dadi asok, sesayut adulang, mawasta Wira Kusuma, nasi barak sada kuning, ayam biying kuning mapanggang makupang-kupang, magoreng, malih winangun urip, masamsam don landep-landep, sekar 3 swahan, angayab ping 3, yan tan yawur ika, pejah ika mati labuh, yan wadon mati mlebuhin, maduk awaknya, yan teka gringnya Mawatuk, srana : sulasih miyik, myana cemeng, dumlah pule, sumanggi gunung, sekar blingbing buluh, montong isen, temutis, nyuh tunu, ganti lungid. Wedak batisnya, srana : pwaning kasimbukan, cenana, isen, tri ketuka.

Buddha, wetuning rare, dewaniya Bhatara Uma, kalaniya Anggapati, buta-/

3.b.  -/niya Ulu Kumba, wayangniya Wirun, mayaniya Pretiwi, kakayuniya Bunut, manuknya Dara, sastoniya Lembu, lintangnya lintang kris, rasiniya astra darung sara, ika mamilara, sangkan geringe tan tuna, Krengkaning Desti, Galaking Pamali, Sering Kasedihan, Koreng, Ngrasa, Ngdohdo, gawe pradnyan, wicaksana, sugih dana upama, kapejahaniya ring payudan, yan wadon mati aperang, ika nagih carunin ring paibon, bras 7 catu, taluh, nyuh, biyu, bnang soroh 7, artha 700, dadi asok, sesayutnya mawadah dulang, mawasta Purna Suka, nasi kuning, sekar sudamala. Yaniya gring Langu, srana: don pepe, rwaning maninjo, loloh

4.a. -/nya srana: bawang adas, sulasih mrik, tata iwak, yeh juwuk, yeh cenana, langkwas, ginten cemeng. Wedaknya, srana: carman dapdap, isin rong. Wedak batis, srana: babakan cemara, phala raja, isen, yeh arak.

Wrespati, wetuning rare, dewaniya Bhatara Guru, kalaniya Anggapati, butaniya Ulu Singha, kakayoniya Waringin, manuknya Merak, wayanganiya Semar, mayaniya Pretiwi, lintangnya lintang salah ukur, ika mamilara, sangkan gringe tan tuna, swe tan waras, penyakit ika nyakitang basang, rasa tuju, nglikad, nglesu, perot, jengkel, rumpuh, hedan, ika nagih tawurin ring paibon, pejahnya

4.b. mati ayan, mati anyud, mati tepen embidan, ika nyakitin ibuta Ulu Singha, nagih caru, bras 8 catu, arta 800, bnang 8 tukel, biyu 8 ijas, taluh 8 besik, nyuh 8 bungkul, dadi asok, sasantun denagnep, sasayutnya mawadah dulang, mawasta Kusuma Gandawati, nasi dadu, ayam wangkas, mapukang-pukang, magoreng, malih wangun urip, kawangen kutus besik, sekar 11 swahan, pangambeyan adulang, yaniya wadon iwaknya ayam mapanggang, yan lanang iwaknya bebek. Yan mangan bantal panganang ulam, yan mangan nasi manganang bantal, apan panudaning oton salah ukur,