WIDHI SASTRA MDANG KAMULAN

WIDHI SASTRA

MDHANG KAMULAN

Judul Lontar	: Widhi Sastra Mdhang Kamulan.
Asal Lontar	: Giriya Gunung Payangan, Gianyar.
No Kropak	: No 448/GGP/12/1992.
Disalin oleh	: Ida Pedanda Putu Siangan
Alamat	: Giriya Gunung Payangan, Gianyar. Bali
Selesai	: Ca, Wa, Kulantir, tang, ping, 3, Sasih, 10, Saka, 1890, Tanggal, :1 April Tahun, 1968. Masehi
Kasalin lagi	: Ida Bagus Bajra
Alamat	: Giriya Gunung Payangan, Gianyar. Bali

Itti Widhi sastra Mdhang Kamulan, ngaran,

Parincining Yadnya-yadnya, sarajakarya samapta. Turunan Pustaka, drewen Ida Padhandha Gdhe Pamaron, nggeh Dhang Guru Iswara, ring Asrama, Manara Agung Kusuma, ring Munggu. Kapica ring Putrine pinih duwur, panengeran Ida Ayu Gdhe Manik Kumenuh, arabyan ring Griya Tangkeban, Desa Cemagi, maka Piagem Tukang Banten, Uttama, wnang amangun salwiring babanten, Sarwa Yadnya, Saparikrama.

Ong Awighnam astu nama siddham

Iki kramaning Widhi Sastra Mdhang Kamulan, damelira Prabhu Wilatikta, Twankancana, kramanya asalin tadhah, mwah yan wetonira Sang Prabhu, kramanya ring Wilatikta, mwang sira patih twan kancana, prabhu, ngaran, Sang Natha. Natha, ngaran, tingkah krama, Patih, ngaran, patuh. Mapan tan bina Sang Prabhu mwang Sang Patih, maka kamudining rat, tan sah amrih kaswastaning sarira. Mwang kaswastaning Sang Prabhu, mwang kaswastanirang rat.

Kramanya, ta gawe Sanggar ring areping Amuja, bantenya macatur, maghana pikulan, gnep sapakaraning banten ring Sanggar, tkaning kampuh, Artha sakottama.

Ring Sor, babangkit, saheedanya, matumpeng asta, 45, bungkul, gayah utuh, 1. Sulpitan Soring Panggungan, dhaksina, 1. Bras, 200 catu, Artha, 80.000, Uttamanya. Madhyanya, 44.000. Nistanya, 8.100. Mwang ketan, injin, kampuh, 80, kuwub, bnang, 80 tukel, nyuh, 80 bsik, gula, 80 bungkul, aywa kurang sapratekanya. Malih dhaksina, 8, sowang, artha, 810, kaning kampuh, 8, kuwub. Banten Panggungan, 1. saha manggung sanjata, sajatu kramanya kabeh.

Malih maweweh banten aturan ring Gunung Agung, saha babanten padha masoroh, saha dhaksina den agnep, payuk padha ring gunung, 3, pada mesi toya sagara, mwang ring Batur, payuk, 3, mesi toyan danu. Sami maruntutan pras, lis, gnahakna ring areping amuja. Malih payuk, 200, mesi toya anakan, sami denakna. maka tirtha, ikang payuk, sinurating Naga kabeh, pinuja sakabwatan.

Malih ring Bantene katur ke Batur, payuk, 21, mesi toya bulan, 7, toya a...lan, 7. toyeng pinda, 7, taleni lawe tridhatu, wijanya mirah sarwa ratna ngendih. Iti Padudusan Uttamanira Sang Prabhu Wilatikta, mwang patih kancana, ..... tkaning Nagara, mwang asing wang tirthakna byakta muktah klesanya, tkaning pati tan sasar, apan mauttama dahat,  pan wus byasakna de sang prabhu lewih, mwah patih, tanpadha sukanira sang prabhu, apan tan rumaketing anggan sang prabhu, maka sang adhipatih. nghing pingitakna, aywa wera, denira sang amrih sutreptining rat, byakta purnaning angen-angen, apan saksat Yadnya Purna iki.

Mwah kawruhakna denira sang ratu, mwang sang apatih, Ujar ing Aghni, mwang Mrettha, Ang Ang Ang swaraning Aghni. Ah Ah Ah, swaraning amerttha. Maka pamurnanira sang amawang rat. Iti Padudusan Agung, Uttamanira Sang Prabhu, poma, aywa tan kedhepa, Ujaring Nitti Widhi Sastra.

Karya Makiyis

Nihan Parikramaning Makarya Makiyis, Mamungkah, : ring Pamrajan, ring Meru, ring Parhyangan, ring Dalem, Puseh, Desa, Bale Agung, Lumbung, Kabuyutan, ngaran, Kawitan, Para Dadyan. Yadyan maring Kabutyutan Desa, Pasen praaghra(?), ika kabuyutan desa, ngaran. Wilang Nista Madhya Uttama, Ngadegaken Sanggar Tawang Rong Tiga, munggah suci laksana tibaro, 8, bungkul, ladha utuh. Ring tengah, 4, catur, wedhya, ghana, Yamaraja suci, dening tepung mawarna, winadhahan ngiyu anyar, masasahang, kunang tepung ika sinurat Yamaraja. Pisang leger, peji, udhuh.

Mwah Babangkit Agung, 2, slam kapir, dangsil tumpang, 11. Babangkite putih,1, ireng, 1, Kaluhuring Akasa, guling bawi trus gunung, ngaran, bawi selem denges. Katur ka Prethiwi. Gulingnya itik putih jambul.

Kunang Bhatara ring Sanggar Tawang ika, matapakan Kebo Yosmarana, ring Sor ngareping sanggar genahnya, tiningkah kadi caru, winangun urip, kulitnya tinangkebaken maring sengkwi, olahanya maka titimamah Bhatara kabeh munggah tedun kalingannya.

Mwah munggah ring Sanggar, uluning wdhus, ngaran, tenggek kambing, maguling, mabasa kasuna cekuh tanpasra. Mwah tenggek penyu, 1, maguling, pateh basanya. Saha sasantun, ngaran, dhaksina, saparikrama kadi nguni.

Malih banten arepan Widhine, sane ring laapane, babangkit manca warna, 5, suci laksana, 10, soroh, padha makaras swang-swang, Mabhagya Agung, Mapulakretti, Maguling Gayah, 2. Jiplen anut sapta wara, saha dangsil, tumpang, 9.

Madudus Agung : payuk, 9, kaklentingan, 9. Cekir, ngaran, klungah, 9, pada maadan-adan, cucukan bawi plen, ngaran, kucit butwan, netrus gunung, itik putih jambul, ayam suddhamala, kumbha carak, susunya anut uriping saptawara, sapari krama padudus agung.

Ring Palinggih Widhine sami, munggah suci laksana, padhama dwang soroh. Palinggihe sami munggah orthi ancak bingin, padama pasang, orthi katemu, 266, ikang uttama. Ikang soran, 133. Malih soran, 66.

Padha madangsil tumpang, 11, 9, 7, 5, 3. Panglukatan Nawaratna, sadhananya, payuk mas, slaka, tambaga, kakuningan,sangku suddhamala. Kamaligi, ngaran,klungah warna, 5. Pangdhangan, 1, masurat padma, 9.

Wnang nunas wasuhan(kakuluh) ring Bhatara sami sakuwu-Bali, makadinya, ring Basukih, : Tirtha Tunggang, Tlagawaja, Ulundanu, Sagning, Dadhari, Tirtha Mpul, Mangening, Tambelingan, salwiring sinanggeh Tirtha Uttama.

Krama Banten Ring Paslang

Mwah krama banten ring Paslang, angadegaken Sanggar Tutwan, saparikrama kadiarep, munggah suci laksana, 2, soroh, macatur rebah, mabale gadhing, masuci asoroh, saha ahepan sarad agung kabeh.

Babangkit Ardhanareswari, maguling bawi, 1, guling itik putih, 1, suci petang dandanan. Saha pring, 2, pasang, matapakan maka titimamah kebo yosmarana, kang durung rinakitan, kinulitan winangun urip, den autuh, dagingnya ingolah den agnep, jatahnya sarwa galaan, mwang calon galaan, winadhahan sengkwi, 40, pada masate galaan, calon galaan. Kawisan, 4, mapupuk jinah, 225, sirahing kebo mapayas masekar mas apasang, mwang sungunya, ngaran, tandhuknya, masanglup mas. Dulurana kawangi pangrekan, 44, besik, gnep sakramaning pangrekan, mabangun urip kadi nguni. Aja kari ya katinggalan.

Kunang yan soran pangambile, wnang wedhus ireng ginaweya tapakan, tanhana lyana sakeng wdhus mwah. Mwah ring areping amuja pepek pakraman panglukatan pamrayascita, padudusan alit, Nga Wrhaspati Kalpa, Ngaran. Lwirnya mapadhang dhangan, macatur kumbha, maklungah, macarak, ngaran, masusu, 5, warna, saha dulurnya gnep, buhu, lis, pangresikan kadi nguni.

Ring Paslang, rangkep tekaning pawuwuwan, pangindangan, mwang magedong lumbung, dening dawuntal, saha dagingnya. Daginging gedong, sarwa mule-mule, laluwes, saraja brana sadaginging prawu. Daging lumbung, pari, ketan, injin pada kari bulihan. Panguwuwunya, bras galih masruh ping solas, mwadhah sok anyar,mesi ceeng anyar, 1. Miwah tapi, tapi, ngaran, ngiyu anyar, masurat padma. 1. Mwah craken gede, 1, pepek daginganya, sarwa anget-anget, sindrong rangkep, basan tamba, aja tuna.

Kramaning Karya Manca Wali Krama

Mwah kramaning Karya, Pancawalikrama, ngaran, yan uttama, 4, ngaran, nyatur.

·         Purwa, ngaran, Kangin banteng. Winangun urip, dadi 50, sengkwi. Sate galaan, calon galaan, lwirnya sasate watang. 50. Babangkit putih. Guling bawi, suci, 2, soroh.

·         Dhaksina, ngaran, Klod, Kidang winangun urip, dadi, 90 sengkwi, sate galaa, calob galaan, sate watang, 90. Babangkitnya abang, maguling bawi, suci, 2, soroh.

·         Pascima, ngaran, Kauh, manjangan winangun urip, dadi, 70, sengkwi, sate galaan, calon galaan, sate watang, 70. Babangkitnya kuning, maguling bawi, suci, 2, soroh, saha kawisanya, 7. Sami ngajak kawisan manut urip unggwanya.

·         Uttara, ngaran, Kaja, Kebo yosmarana winangun urip dadi, 40, sengkwi. Kawisanya, 4. Sate galaan, calon galaan, satewatang, 40. Babangkit ireng, maguling bawi, suci, 2, soroh.

·         Ikang ring Madhya, ngaran, Tengah Wdhus winangun urip, dadi 80, sengkwi. Kawisanya 8, sate galaan, calon galaan, sate watang, 80. Babangkit mancawarna, maguling bawi. Suci, 2 soroh. Wdhus, ngaran, kambing. Kambing ikang blang sayogyanya ingangge. Ring babangkitnya bawi selem trus gunung.

·         Makaeddhanya sami, sami macawu dandan anut warnaning unggwan, putih kangin, abang, ngaran, barak, kelod, kuning kawuh. Slem kaja, brumbun di tengah. Mwah pagu manca warna, tumpengnya anut urip paideran. sarmanya satusan anut uriping dik-widik. Mwah panasan anut dik-widik, anutang pada kadiarep, lwirnya, Kangin sarmanya, 5550. Klod, 9990. Kawuh, 7777. Kaja, 4444. Di Tengah, 8888. Ika kang lawa caru ring jaba.

·         Malih lawanya ring madhya, ngaran, ring tengahan, itik putih, winangun urip, sengkwi, 5, kawisan, 1. Saha eedanya. Marep purwa, ngaran, kangin.

o   Asu bang bungkem klod, sengkwi, 9. Kawisan, 1. Gnep saeedanya. Marep dhaksina, ngaran, kelod.

o   Banyak, sengkwi, 7. Kawisan, 1, gnep saeedannya. Marep pascima, ngaran, kawuh. Bawi butwan, sengkwi, 4, kawisan, 1. Gnep saeedanya, marep uttara, ngaran, kaja.  

o   Itik blang kalung, sengkwi, 8, kawisan, 1, gnep saha eedanya, maring tengah, ngaran, madhya. Jajatah olahanya ika sami galaan, calon galaan, sgehnya sama babangkit asoroh, arthanya satusan nganutin urip.

Mwah lawa maring tengahan muwah, sata mancawarna, 5, sengkwi, satenya anut urip dik widik, mwang calonya. Lwirnya sata putih, sengkwi, 1, satenya, 5, calonya, 5. Sata wiring, sengkwi, 1, satenya, 9. Sata putih syungan, sengkwi, 1, satenya, 7. Sata ireng, sengkwi, 1, satenya, 4. Sata brumbun, sengkwi, 1, satenya, 8. Mangkana tgesakna.