DHARMA KAHURIPAN

DHARMA KAHURIPAN.

Judul Lontar	: Dharma Kahuripan
Druwe	: Giriya Telaga, Sanur
Kesalin Olih	: Ida Bagus Bajra
Asrama	: Giriya Gunung Payangan, Jl. Raya Payangan no.12, Payangan, Gianyar, Bali.
Puput :	: 4 Maret 2011
Katureksa Olih :	:
	:
	:

              Om Awignam Astu Nama Sidam.

1.a.

Nihan parincining darma kauripan ngaran, munggwing Widhi Sastra Gama pawarah Bhatara Siwa Gama ring Para Loka, Kramaning andadi wang amerih kajuwananing urip mwang pati, wekasan umangguhang sadia rahayu dalan apadang, karananing wenang kapatiaksaha dening loka, makadi sujana para Pandita. Away tan umastitiaken ri wetu nikang rare, maka pamerih kajuana nira kadirgayusan anutugaken tuwuhnira, kedep ring laksana pangrasaning tatwa carita mwang tutur, makadinika wruh ring pidarta ala ayuning mandadi wang tekeng kapranantikania wekasan; kadi angapa parincining aksara; nihan ta ja kauningan.

Angandung Bobotan

Duking kari angandung bobotan.

Kramaning amobot pangawit daha, yania bobotan ika kalangkahan tumpek wayang.

2.a.

Sayogya ring tumpek wayang ika malukat ring sang Pandita Siwa Yogiswara; upakarania kramaning anglukat wong angandung:  Payuk anyar 1 misi toya anakan, sahapalawania daun tunjung tekaning sekarnia, muncuk bunut ambulung, ancak, baingin pada telung muncuk, beras kuning, samsamnia daun dapdap, daun temen mwang sarwa merik 11 warna. Sasantunia daksina sarwa siki, genep saupakaraning daksina, beras sakulak, nyuh abubgkul, kedog itik 1, bija ratus, ketan injin, lawe satukel, artania 225, peras asiki iwak papanggang ayam, jinah 25, canang geti-geti, canang raka mwang lenge wangi burat wangi; wenang alukat ring areping sanggah kamulan.

APAGEDONGAN RARE

Tingkah pamahayu rare ring jero weteng; yan sampun tutug ulananing bobotan,

Pagedongan Utama       

2.b.

sawetara kurang malih 10 towin 15 dina prayania mijil, yogya apagedongan  kang bobotan rihin, luwir upakarania manista madia mutama, luwirnia: yan buat utama, angagaken sanggar tutuan, unggahang banten saupakaraning tutuhan, daksina rongan, suci adandanan saruntutannia peras ajengan; ring sor guling pabangkit 1, genep tekaning gelar sanga.

Ring pangrubungan bantenia tumpeng mawadah ngiu 1, cacahan 11 tanding mawadah ngiu, guling itik 1, saha tatebus tunggal. Mwah banten pangladan Dadari asoroh, tumpeng kuning 2. Malih tumpeng adanan ulam  papanggang ayam, tatebus putih, malih canggah menek canggah tuwun gantung ring carang dapdap.

Sapuputnia pangladan Dadari ika bantenang di paturon, dulurin dapetan  mwang

3.a.

gedong-gedongan ental; ditengah misi bungkak nyuh gading maraajah mapinda wong rare, aledin ceper misi laklak tape, mwah idam-idaman  asem-aseman, ikang gedong adi sarwa laluwes anyar.

Malih ring arep sang amuja kadi kramaning aprayascita, kewala aidus kamaligi caturkumba, genep tekaning sapratekaning sasantun; ring Dewa Hyangnia ring sanggar unggahakena banten adandanan kadi ring tutuhan. Ikang angandung bobot tuntun maring beji atungked pabungbungan, kalungi kang lawe satukel mwang saksat mamata. Ikang tungkedakenia, duluring saupakaraning panglukatan gangga tirta, alukat ring beji,

Sarana:

Sangku sudamala, sekar mawarna. Aja angundang wawalen agenta, balik sang Pandita juga anglukata. Satejania ring beji tepung tawari kang pasiraman rumuhun, mwang lisi

3.b.

parang lawan sang mobot, raris astawa tang Gangga, gelari utpeti stiti astanasana, padmasana, Dewapratista Kuta Gangga dewimantra. Telas saindikannya, raris asiram, akramas, sapuputnia tumuli atirta panglukatan sangku sudamala ika.

Iki pracarunia binwat ing beji, sega mawarna tiningkah  wong rare, sirahnia sega ireng, dadania sega putih, tekaning tangania, wetengnia brumbun, bokongnia bang, tekaning turnia, sukunia kuning, wadahin ngiu aledin don biah, tekanin porosanin, jambenia biluluk, apuhnia aon, sampiania ending, dulurin panyeneng, alis, tepung tawar. Ika parakaken rumuhun sadurungnia asiram; puput ginelaraken, tumuli anyut kang caru ika, sirahnia arepaken ring teben.

Satekania umah raris apegedongan, atirta aparayascita.

4.a.

Sang mobot tan wenang muspa, kewala kakungnia juga ngabakti; strinia mobot kewala pareng amusti ring sandingnia  amuspa. Sawusing aparayascita adius kamaligi, angyab pagedongan; ikang gedong-gedongan tan wenang lukar yan durung rumajaputra, mangkana kramania yan mautama. Saika pangestinia aminta kamitaning rare jeroning bobotan  ring sira Bhatari Pritiwi, mwang Widyadara- widyadari. Nahan riwekas mijil kang rare kari ya maurip, ayu apekik swabawania, kasteswaryan sumaguna sira, pradnyan pragiwaaka sira kinatwanganing jagat amanggih dalan apadang, weruh ring pangartianing kasuksman, sangkayaning rare aulah darma budi; mangka linging widisastra.

Pagedongan Madia

Kunang yan madia pagedongan mentah wenang lakonakena, luwirnia lagi mentah: Sasantun beras sakulak, kelapa 1, lawe satukel, Gerang kapiting, ketan injin, pisang ijasan

4.b.

jinah 225, genep sakramaning sasari, mwang pabiakaon lis tepung tawar. Muah caru binwat ing beji kadi ring  arep, tekaning panglukatania sama juga; aspuputnia annuli muliha. Satekania ring umah, muwah atepung tawar, raris abiakaon tumuli ayabi pesakapan, sekramaning pesakapan ring paturon pagenahania.

Anuli sasayuti, luwiring sasayut,

Sasayut Katututan ngaran,

saga telompokan, tinumpangan nyuh masisir tekaning rerasmen genep, ring sandingnia kakaputang basan tamba, apuh akaputan.

Sasayut Tulus Dadi

Malih sasayut tulus dadi ngaran, sega abang, sega cemeng, maka penek iwaknia ayam wiring pinanggang, raka who-wohan sagenep, tatebus bang ireng, sedah manut uriping dina, pagutan japitunggal.

Sasayut Tulus Ayu

Malih sasayut tulus ayu ngaran, sega putih kuning jinapitunggal, iwak ayam putih

5.a.

siungan, raka who-wohan, tatebus putih kuning.

Sasayut Pamahayu Tuwuh

Malih sasayut pamahayu tuwuh ngaran, sega sapenek maiwak ayam saulesnia, raka sarwa galahan, jinapitunggal kang sega triwarna, putih, abang, ireng, iwak ayam sarwa bulu telu pinanggang, tatebus tridatu.

Mwah dapetan pula gembal, guling itik 1, jarimpen punggul, ngaran jarimpen gambahan. Muwah pagedongnia tekaning bebanten pangladan Dadarinia sama kadi ring arep, genahakena ring paturonia; riwusnia ngabakti , ayabi ika kabeh.

Pagedongan nista

Kunang yan nista, iki pagedongan nista, kewala gawenang pagedongan tekaning pangladan Dadari ring paturonia, mwang dapetan, sasayut tigang warna kocap ring arep, luwirnia: sasayut katututan, tulus dadi, pahayu tuwuh, pabiyakaonan, tepung tawar, mwah caru kang binakta kayeh, sama amalaku tirtania ring pandita kaya pralagi.

5.b.

Rumaja Putra.

Kramaning apuputra; ri sampunia mijil kang rare tekaning arin-arinia ingas pawijilnia, wenang tegesin odelnia dening ngad gekar paturon, ruaning adapdap tis tigang lembar, kunir tigang iris. Ikang odel sampunia putus kang kari angatut ring rare wenang ika hret dening benang guwun.

Kunang yan utamawangsa, ikang ari-ari sampunia binarsihan, winadahan kelapa sinigar kari katut dagingnia, annuli

rajah kang ring sor  “Ang Ung Ah”;

rajah nyamuknia “Aung”.

 Ikang ari-ari wehana bekel tulis, sarana lontar panjangnia sangang guli,surat kayeki:........