CATUR YUGA
Judul : Catur Yuga
Druwe : Puri Agung Ubud
Kasalin olih : Ida Bagus Putra Pudhartha
Asrama : Giriya Jukutpaku, Singekerta, Ubud, Gianyar.
Kasalin Malih : Ida Bagus Bajra
Asrama : Giriya Gunung Payangan.
Puput : 09 Agustus 2012
Kajilid olih: YDK-Bali 2012
Katureksa olih:
OmAwighnamastu Nama Siddham. Nahan teges ing Catur Yuga. Ndah mukya sang akadaton ring Purbhasasana ngaran, sira sang abhiseka ratu Maharaja Bhanoraja, wirya bala sira. Maka stri Dewi Tatwawati, atisaya listwayu. Manak stri sawiji, maka panelah Dewi Ratna-rum, surupa luwih guna. Yeka siranmangen-angen duratmaka mahagong, de Maharaja Bhonaraja, apan sira kinarsana de sang akadaton ring sunyantara ngaran, sira ta abhiseka Sri Maharaja Rekata Byuha, atyanta wirya bala sira. Ngkan lumaran ndatan kinarsanan denira Maharaja Purbhasasana, umapa den samangkana, amretha wisya doh para parawak ajuti, bwat kali Sanghara pawakan ira Maharaja Rakata Byuha. Ndah wikan Sri Maharaja Bhonaraja, kundang sira inayap ing mantri nira samuha, para Bhujangga mwang Dwijeswara Saiwa Sogata, Rsi Samanta, Juru, Pratanda, Pangalasan, para Dang Acarya kabeh. Ndah ujar sri Maharaja;

           “Kamu sakweh ta, dak rengon patanan inghulun denta, samapta”.

Mojar sang para dang Acarta atereh;

          “Sajna Sri Maharaja Prabhuttama arum-arum, ndatan pasiwala molah ujar paduka Sri       Maharaja, umapa patana tegesaning ujar Sri Aji”.

Ling Maharaja Bhonaraja; “Ndatan iwang prayojana Rakata Byuha, anglamar Sri Ratnarum gatinya, ah becikana deninghulun”. “Uduh Sri Maharaja, umapa den Sri Maharaja, atutakna. Nahan kalinganing Maharaja Rakata Byuha, mretha wisya jahat pawakanya, iwang mangkana lwir sekar tumuwuh ring samasana, ndan liwar kapawitraning sekar mantya rumnya”. Mangkana stuti ning reh padha Sri Maharaja, ya ta kawawa de Sri Maharaja Rakata Byuha. Nda yapwan sidha tuhun kapawitran Sri Maharaja yan mangkana. Tuhu Sri Maharaja Rakata Byuha maputek makawak kali sanghara. Umadeg Prabhu cakrawerti wighuh kali sangharanya, wibhuh ring jagatraya ndatan pahingan. Sajna Sri Aji, samangkana gatining Sang Prabhu Sunyantara. Ndah kandeh manah sri Maharaja Bhanoraja, den rumegep ing tutur para Dang Acarya sangghya. Mojar sri Maharaja; “Ndah rakyan warahakenang nghulun, i prakara sang Prabhu Sunyantara yan Kali-shangara”. “Sajna sri Aji Bujangga, Sri Aji dak pwa tyaksaken ring Sri Aji, pahenak den Sri Aji rumasa tigasan. Pada nira Hyang Paramesvara nguni. Nahan kajar lwir Catur Yuga. Pat lwirning prabheda, lwirnya; Krtha, Traita, Dwapara, Kali-shangara.

“Nahan maka purbha ikeng Krtha, patang yuta, patang keti, patang laksa, patang iwu, patang atus, patang puluh, patpat warsa, samangkana gatin ikang Krtha”. “Nihan kalingan ing Traita, tigang yuta, tigang keti, tigang laksa, tigang atus, tigang puluh, tigang warsa, samangkana gatin ikang Traita”. “Nihan kalingan ing Dwapara ngaran; rwang yuta, rwang keti, rwang laksa, rwang iwu, rwang atus, rwang puluh, rwang warsa, samangkana gatinikang Dwapara”. “Nihan kalingan ing Kali-shangara ngaran; sayuta, saketi, salaksa, saiwu, saatus, sawarsa (sawelas warsa), samangkana gatin ikang Kali-shangara”. Mojar Sri Maharaja; “Malawas dahat pwa ya samangkana”. “Sajaba Sri Aji, Dang Acarya Ratu tyaksa pangadeganing wwang ring Krtha, ndatan katamanan wikara, matis tan katiksanan twinya, nda tan mati rare, Yusaning wwang ring Krtha, nda tab hala ayu, pati urip, sukha dhuka, lara lapa. Samangkana prakerti nikang pangadeganing Catur Yuga”.
Nya ta tuturan de Sri Aji. Kunang yusaning wwang ring Krtha, satus sewu warsa, sapuluh-sapuluh pramananya, kacatur sunyaning rat. Kunang pangadeganing Traita Yuga, samangkana yusaning wwang, sukha sada ring Traita, limang atus warsanya, pramananing wwang lima, tigang suku ning bhuwana, kabanywing wulakan, long sasiwur, tang magha akempel, saha ngemu udan, amibek ing wwang sukha sada, tar atangi, di jaramarana. Kunang pangadeganing wwang ring Dwapara Yuga, kalih (atus) yusaning wwang, kalih atus warsa pramananing wwang kalih, ri sukuning jagat, samangkana kang wwang pada pramana yatna, ngulah kaprajnan, watek kasuradhiran, tameng naya, ri ninggita, saha ta........