YAMA PURWA TATTWA

YAMA PURWA TATTWA

1.b Om Awigenamastu nama sidham. Nihan upacaraning mati, aywa kurang, apan awak sang mati, Pisang Jati pinaka warna, asep pinaka mata, Nasi Angkeb pinaka cangkem, Bubur Piratha pinaka sabda, Dukut Lepas pinaka bol, cawan pinaka gidat, kayu sugih pinaka irung, kusa pinaka bulun mata, jawa pinaka alis, pili-pili pinaka pangenyet hati, panjang hilang pinaka lidah, Endong pinaka lambe, rowan penyalin pinaka gigir, asep maka isit. Pengawak maka balung giri, tebu pinaka lengen, cendana pinaka tulang kacing, basan ubad pinaka sari, pinaka atma, panyugjug pinaka marga, panyugjug memeri pinaka papucuk, kalambi pinaka kulit, wangsul pinaka telapakan suku, tetepong pinaka entud, ganjang mapipis pinaka tulang cikal, sangku pinaka kakembungan, ilih pinaka ambakan, kotak pinaka isi,

2.a. tiga sampir pinaka wat gagading, emben-embenan pinaka ulu, ika kaweruh akena away kurang, ila-ila dahat, yogya lekasakena den ira Sang Dharma. Nihan Tingkahing Anyawa Wedhana, Guling babangkit adananan, maka panebasan tetandingan di ngiyu, tigang ngiyu, tatingkrb angiyu, sedahan kawah angiyu, nasi garuda angiyu, pengalang-alang angiyu, semalih nasi gagak, sri kakili, angel-angelan, 22 tanding, tambilung upih 108, cunguh kawu, 40, misi aru, ne tatelu, mabe karotok kakul, malih ne tatelu mabe getih, getih mahawuk awon, malih taksisir, tambilung upih mageng asiki, medaging nasi, mabe karotok kakul, ambengan sagegem, getih salimas, mabe ati, matungkeh eha, mapanca kosika, maka panhuman, daksina 1, pras 5, nasi putih, nasi abang, nasi kuning, nasi ireng, saji asiki mahulam bebek,

2.b. Puputeng pahumahan, lekesan 40, saha geng kadi cane, malih mbuket, tumpeng apucak manik, satingkahing panyegjeg maka panebasan, makadi sepagading madaging aru, maurab candana, matanceb orti pulekrethi, malih karas medaging babalungan, jatu keeling, warna, prabot kaki patuk, karas medaging saprabot undagi. Malih maka dasar kawah, kaping mawarna nuhut urip-uripan, pamuket sarwa galahan, , malih panjang ilang, cacar samah, bubuh pirata, malih prancah bawi ji 555, mangawangun urip, wakwakan mentah, urutan angin, pala kiwa, getih apinggan, bokbokan kawah, benang mawarna, bokbokan garuda, benang selem, benang baraj, benang putih. Malih gula sakerek, nyuh asibak, medaging gula abungkul, malih nyuh asibak medaging jijih, botol 2, timpal wak-wakane, taluh 9, nasi palupuhan, 1, nasi punjungan 1,

3.a. nasi sokan 1, tuak akelukuh 1, arak akelukuh 1, yeh abrerongan, sujang rentet 5, malih jinang tatingkeb 225, jinah babangkit 225, jinah pulagembal 225, jinah sedahan kawah 225, jinah garuda 225, malih jinah kaki patuk 225, pagu 225, jinah pengalang-alang, 225, jinah segeh dewa, dadwa, makawangen masoca indra majinah pada 225, benang pada matukel, pras penyarikan, 5, majinah pada 25, sasantun nanding banten panca sanak, nasi dadong patuk akuskusan, iwak ayam gumerot, angkeb 1, caratan, trisula, pane padma, payuk cakra, sasantun nanding banten penyapa, yene uttama 1700, yan madya, 700, yan nista, 500. Itti Sastra Yama Purwana Tattwa, ngaran, indik kramaning wwang mati mapendem, yan satawun, dwang tawun, tigang tawun, selawase tan,

3.b. tan kapreteka, yan wawu setawun kapreteka, ayu ikang atma, wwange mati bener, yan hana dwang tawun liwaran ring satawun, atman sang mati dadi dette, dengen ring setra, mahas ring setra ngadakang gering. Mwah yan wwang mati mapendem, yang hana mreteka, aja mreteka marep tulang wangke juga, hana pawarah Bhatara yamma mungguwing sastra :

Uduh Sang Panditha jana loka, mwah sang ngarepin sawa, sumuruping siti dharani, yan tan hana satawun puput sengkernia, aja mreteka tawulaning wangke juga, tan prasida ilang letuh Sang Hyang Atma wangke ika, apan wangke ika sat mulih ring jeroning pagarbha Sang Hyang Ibu Pritiwi, waluya sampun mageseng mahawak tanah. Saletuhing pritiwi rumaket ring wangke ika, teka wenang sang panditha ngarcana ayu atma sang kapreteka, wenang sang panditha anugraha weh awak-awakan sang mati, sida mulih atmania ring byomantara Siwa, ilang letuh ipun,

4.a. rawuhi Sang Hyang Atma, gawenin malih awak-awakan sang mati, yan ring wwang semati samuruping sithi, cendana merik anggen awak-awakan wangke ika, panjangnia salengkat ring samusti, lumbangnia telung nyari, masurat wwang mati, mesi sastra Tri Aksara, Ong Kara Mula, Rwa Bhineda, dulurin upakara mati sakrama ring desa pakraman wenang prateka. Mwah tulang wangke ika ne mapendem, wenang wangunen, gagah ring dina pengaskarania esuk, wasuhi den abresih we kumkuman, mwah we kalungah nyuh sasih, genahang ring setra, gawenan kuwu, wehana dahar kasturi, bubuh pirata, suci 1, rawuhing patiwa-tiwania, tumut kageseng tulang wangke ika, tunggilang ring awak-awakan sang mati ika, away mreteka tulang juga sang mati matanem, idhep amreteka I Bhuta Cuwil, ngaran tulang ika, atman sang mati kari letuh, mwah wwang sudra jadma, majagawu anggen

4.b. pengawak-awak sang mati, karma tunggil kadi kuna. Yan nora samangkana, sudosa sang mangentas, mwah sang amreteka, mwah amanggih sangsara sang atma, ri tegala lumaris Sang Hyang Atma rawuh ring Banjaran Santun, katon antuk widyadara-widyadari, atma rawuh marupa Cuwil, mehambu apek apengit, malayu watek apsari, ngadek ambuni atma rawuh,  umatur-atur ring Bhatara, atma letuh ika katundung kahinebin dwara wesi, winarah amungguh ring wara ajram, mawak Bhuta Cuwil mwah Detthe, angadakaken gering sasab, amati-mati wwang wang sarwa pasu. Mwah yan hana mati kalebuing dosa, salah pati, gering ila awaning mati, ring semasana juga wenang preteka, tawulania juga wenang preteka, yan wwang mati salah pati