Bapancangah Bandesa.

No                         : 1817/13

Verzemeld door Kirtya

Uit                        : Kesiman Denpasar.

Ontv                     : 6 April 1949

Getikt                            : 21 Maret 1941.

Door                      : Ketut Ramiasta

Nagekeken door     : Ketut Kaler

Diketik kembali oleh: Gede Yunarta

Tanggal                 : 4 Juli 1988.

------------------------------------------------------------

Bapancangah Bandesa.

1.a. Awigenamastu Nama Sidyam, Ong Saraswati ya namah, Maha Dewa Pretista ya namah. Nihan tingkahing prasasti sane mungguh ring Pamancangah, sane mula nimitane nyantanayang I Bandesa, dening mula makawitan Brahmana Panditha, aywa ta pido ri kalingan iki, mangkin elingakena kita sapratisentananing kuno, aywa tan pangega. Mngke renge ri kalingan aji, iki mangde uninga mwmireng rengwa kalingan iki. Sasanake sadaya mwang prati sentanane amanggih bagia manta, tan kurang pangan, sing palaku bagiang, tayangken masanak. Yadian ming pat, ming telu penyamane, mangda mamisan mamindon, pengakune menyama. Yaning I Bandesa tan uninga ring kawitan, iki kawitanta ne nyantanang kita.

1.b. Ritatkala Bhatara Brahma atemu tangan ring ari, dwaning wenten putran bhatara kakalih, ne duhuran Ida Sang Brahmana Pandita, ne alitan Ida Sang Ratu. Ida Sang Brahmana Pandita meparap Ida Mpu Witadarma, Ida Mpu Witadarma maduwe oka asiki, meparab Ida Mpu Wiradarma, Ida Mpu Wiradarma maputra tatiga, ne pinih luhur Ida Mpu Lampita, mahari Sira Mpu Adnyana, Sira Mpu Adnyana mahari sira Mpu Pastika. Sira nyukla brahma cari, kewanten Ida Mpu Lampita maputra kekalih : Jiesta Sira Mpu Kuturan, Mahari sira Mpu Pradah.

Tan kata kena sira Mpu Adnyana, masentana asiki, maparab Sira Mpu Pananda, mangawangun tapa ring padang, ring Giri Selayukti.

Sira Mpu Pananda maputra sawiji, maparab sira Mpu Jiwaksara, muka Sira Mpu Ketek, Sira Mpu Ketek maputra sasiki mapenengah Sang Arya Tatar. Sira

2.b. Sang Arya Tatar maputra sasiki, mangaran Sira Patih Hulung, maputra sawiji, mengaran Ki Semar. Ki Semar merabi ring Trandani, ngelah pianak asiki madan I Langon. I Langon merabi kekalih manak nem wiji, ngaran I Pasek gelgel, I Pasek Denpasar, I Pangeran Tangkas. Ne len bibi, I Pasek Tohjiwa, I Pasek Nongan, I Pasek Pratena, sami ngamong kawibawan, ika ne nem wiji, Dane I Pasek gelgel madruwe panak sasiki mapanengeran I Bandesa.

Semalih sampun lami penyeneng Ida Dalem ring Majapahit, semalih negarane ring Bali ngaran Bangsul, tan wenten-wenten ngamelan.

Tan dumade parek sira Pasek gelgel sareng Dane Ki Bandesa, atur sira Pasek gelgel :

“Inggih manira  matur sisip ring palungguh Ida Dalem, keni Dalem ngampura atur manira, awinan manira ngaturi Dalem mantuk ke Bangsul, Dalem angge manira Gusti, kasungsung antuk jagate ring Bali

3.a.   Bangsul. Dalem angge manira makacu damani, tan lian Dalem mangde kerahayuan jagate ring Bali, dening tan pahulu. Sara pakenak pakahyun dalem manjakang jagate ring Bali, manira wantah menawegang pisan matur sisip ring palungguh dalem, awinan manira prasangga ngaturi Dalem mantuk ke Bali, dening patut Dalem nrewaning jagate ring Bali, anggenipun panghulu antuk jagate ring Bali Bangsul. Keni Dalem menagingin atur manira, manira ngiring Dalem saha kawula wandawa, ngiring palungguh Dalem mantuk ke Bali Bangsul.

Pengandikan Dalem “Nah yan keto, anging I Pasek Gelgel, bareng I Bandesa ajak ira ke Bali”

          “Inggih manira ngiring palungguh Dalem sareng parekan Dalem, titiyang maduwe panak I Bandesa.

Tan dumade memarga Ida Dalem ke Bali, kairing antuk para aryane ring Jawi, prebekel miwah kawula, makadi ka

3.b. witane, pajenengane, penganggene ka payudan, mwah gringsing wayange, saha raja brana kebakta maring Bali.

Tan kata kena gelisning cinarita, sampun dating ring Bali, ring Lingga Arsa Pura makarya Sweca Pura yadyan parahyangan. Saluiring parahyangan ring Gelgel kekaryanin sami antuk Sira Ki Pasek Gelgel, nampani palungguh Dalem. Dane Ki Bandesa kapandikayang mbawosin jagate ring Bali sareng dane Ki Pasek Gelgel.

Duk sira kautus olih sira Patih Gajah Mada, sasanake Ki Bandesa sadaya, manghda kerahayuan jagate ring Bali, wyakti rahayu jagate ring Bali sapanyeneng Ida Dalem ring Bali, Tahun dadi, saluiring tinandur meletik, Ida Dalem pada suka sakti jayeng pangerus, Jenana Nurageng Rat, lwir Hyang Sacipati anurun amideng bwati, anut sarasaning Aji Kutara Manawa, mwang Sastra Sarodresta, matangian tan hanang wyadi

4.a. baya kewuh, sapandirinira Sri Aji Dalem,............. bersambung.