BABAD ARYA JAWI PURA TAMANSARI PENEBEL TABANAN

 

Salinan Lontar

BABAD ARYA JAWI

Mudda Lontar	: Babad Arya Jawi
Druwe	: Pura Tamansari Penebel
Kedatuan	: Penebel Tabanan Bali
Kasalin olih	: Ida Bagus Bajra
Asrama	: Giriya Kawyasastra Besakih
Puput	: 10.11.2021
Katureksa olih	:
Kajilid olih	: YDK BALI.12.2021

 

1.a. Om Awignamastu Nama Sidyam.

Pangaksamaning nghulun ri padha Bhatara Hyang Mami sang ginelaring sarining Ong-Kara  na mantram, hredhaya sunilayam, sidhya yogi swranam, sira saha nugraha ring ana kapurwwanira sang wus lepas, luputa mami tulah pamidhi, mwang sang wigraha ning mala pataka papa, tan katamanan upadrawa de Bhatara Hyang  Mami, wastu pari purnna ya manemwaken hayu, dirgha yusa tekeng kula gotra sentana, namostu di jagaditha

Ri purwwa kala hana maya sakti tanpa ingan, krura kara, asyung adhangstra tiksna, angamah-amah, kadi trepning Danawa, loba moha, murkka nindeng sastra prama dengayun,  cinacad ikang sarwa tattwa atita, yayawisina bina jro de Hyang pubahutakantar, ri puput ikang kasmala, uma

1.b. ntuk pwa maring swarga stana, wus putus pwa nalikan ira ri ayatana, tinuduh ta sira de Hyang anjadma, sinung nugra soka makama, arde nare swari pwa sira metu, matangnira sinuksma sira tataka kalapa, pinutering medang, wus pinali pabinresihan denikang sapratapa ring parswaning Tolangkir,aganti pwa sira sapuja stawa ring tulanira jumeneng ratu Bali Raja, bhineseka ta Shri Masula-Masuli, winiya pwa sira ri sangkari, genep pwa sira yuganta, ganta gumanti, samangkana pwa wijil ira pacing nyuksma sira, teka ring astralaya, wekas sira wiji pwa sira metu, nir muksah sira, apanangala pwa nging paceda sira, Topaulu nama sira, wetning kali yuga ratu amuka beda, wus kaloka ring paran-paran, Shri Gajah Wahana nama nira wetning nyerawanak nana, wuwusa mangkana, caritanen ta ring kadwatana nikang Bedaulu

2.a. de sang andiri ring Majapahit, wetning wicitra nira Kriyan Patih Gajah Mada angelepasakena upaya sandi aji suksma kajanarddhanan, ndya ta maka mangupama. Ri karistyanira Kebo Waruna ri kunang saka panjara nira Pasung Rigis oyeng Tangkulak, ya ta wisirnna ta Bada murddhi deni sakti nira Arya Damar siddhi mandi sakecap, nihan ta nimitaniya hana sulung ira Pasung Rigis inupaya mingrekaruhulu, tanda tigas ira weh sega, dadya ta mamisula tang kamityanan sakamasi kang asu, malilang kapurusan tekeng delaha, henengakena tang samangkana.

Caritanen ta ri tungkul ira Pasung Rigis wirya ta Shri Kala Gemet tinut tang nugro sakrayaning mantra manggeh cmak dada nira Madha, rimben ika kantyena dutha amerangi sawranda-wranda murthi Sambawa, sira sang hanama Dedelanatha, krura kara ingiwaka siyung ta

2.b. dang astra loha, ganjira pada nikang wambha, mucicil ikang mata kaya barong, aciplak kaya glap, tan caritanen ikang laga, tan dwa sinapih den ikang Hyang Atitah pada mesat tekang atma umantuk pwa ikang mareng Ari loka, apan mangkana, inamun nira de sang macettana, nihan Shri Aji Bedha Hulu nguni sira wasmara apwi, sunia tistis ikang Bali Pulina, dadya ta manastapa Sang Hyang Madha, tumon ikang sasana arusak. Hana ta sira Dang Hyang Kepakisan ngaran ira, Pandita Paramartha, sira anggeh cudamanyanira Maddha, maputra ta sira mijil saking watu olih ira asurya sewana sahulan ira, amuput apsari ring taman, ya ta ke anggeh swami de nira, aputra ta sira, 4, kakung tatiga, istri sawiji, ya ta tinu den ira Maddha anyakra dala, tindarisa kanggeh prameswara bija, sama sama pada andirya ring Barangbangan, sang ari

3.a. sumandiri Pasuruwan, sang i wekas ira sinuruh I Baliaaga inandyan wang sakti gencong genceng den ira maater parna punyani kang susila, wyakti ya Narayana Wiswatmaka sakala numandeling ring tri rajya, wus samangkana.

Caritanen Shri Maha Raja Kapakisan, kang sumengkeng Bali, inarppana de nira Kriyan Maddha saraja kadatwan mwang bhusana kadi kapatihan, sakadga Si Ganja Dungkul, siniwi de nira Arya Kanuruhan, Arya Wwang Bang, Arya Kenceng, Arya Delancang, Arya Belog, Arya Pangalasan, Arya Manguri, malih sira Wwang Bang, paling untap sira Arya Kuthawaringin, kairing nira tan kata jana, tan kata satriya tan sara gana tumyangaken kapurwakena, ri sang ajuru sajuru, tanapwa sira Arya Gajahpara tumekeng Baliaga. Hana wesya sakeng Mahospait, aran Sira Tan Kober, Sira Tan Kawur, Sira Tan Mundur aran ira

3.b. Tiga Sanak dateng eng Bali, tlas ikang kata, wus cinindyeng lepihan, yan hana-hana alimpad aneng kata wastwa ampunana de sang amaca, mwang tan kataman upadrawa de sang sidha sidhinta karuhun, namastu jagad dhita parisudha ya, tan kasempal tan kasempil attekeng Santana pratisentana, mogha langgeng sinewa sewaha ring bumya.

Alawas pwa malih sang guna ring Bali Rajya, saprapta nira para hyang kuna, nir dyam pwa tang Bali Rajya dening prakopa nikanang tang dusun-dusun, lewirniya: Batur, Campagan, Songan, Kedisan, Abang, Pinggan, Muntig, Pludu, Cintamani, Srahi, Manikliyu, Bonyoh, Taro, Bayad, ikang Sakawana, maka Panrajon nikang musuh. Malih pangetaniya: Culik, Tista, Garbhawasa, nguniweh tang Desa Got, Mar…..

4.a. ….. ggatiga kimu tang skul kuning, tumuta Garinten, Lokasrana, Puhan, Ulakan, Paselatan, Simbetan, Taramben, Watudawa, Muntig, Carucut, Bantas, Kutha Dalem, Watuwayang, Kadampal, asing tumut tang dusun-dusun, saprakaraning anta Datah, adinikang musuh, saprapta ira Arya Gajah Para murti Toya Anyar tandwa kawes ikang pra dasa dasi, mwah de nikang Tan Kawur, Tan Kober, Tan Mundur tumitih sakeng Kulwan.

Alawas-lawas pwa malih manggeh tan trepti kang Bali, den Shri Kapakisan tambis sawanten sira mareng Bhumi Yawa, maputusan pwa sira eng Majapahit, ling ira Kriyan Maddha:

“Aja, tan pasung Ngong, an sira Cili atulaka, pira sakti nikang musuh apan wus kokih den ingong dangu, tan phoma phalahan gebelin nghulun ya nangkana dene ingong maca narayana….

4.b.

……panglinganta, nihan kadga ning nghulun atur akena, lawan ikang bhusana kapatihan katattwaniya, iki maka pangerusi duratmaka, apasasat Si Sang Kapanca Jnyana kagambel dening nghulun”.

Wus mangkana amit te kang utusan, sinungcak den ira Kriyan Patih, neher ta sira lebar, awicarita sang duteng awan, munggah ta sireng Bubat, rehniya abanawa Banukulum, amasangana kilat kadungkapi Tlaga Urung kalintange Pajarakan, angidul pwa sireng Pulo Ayam, tinut rupek ikang sagara, kongang tang Purancak anarung pwa tang bahita, kalintang te kang Jambarana Ryuman, Bangkah, Mudik, milir palayarniya ring gangga lwa yan nusur pwa wetan, ring Tuban ring Klahan, ring Kadonganan ring Kuthamimba, heneng akena carita sang mabangawan, awasana turun ta sireng Rangkung raju amedeka Samprangan asangra lor klakunira kalaning pra

5.a. bata, tucapa Shri Ajya Kapakisan wyakti ya Narayana Wisnu Atmaka, pepek tanda rakriyan juru popongan, ngo bayangkara, Manguri, Pangalasan, kang kanananing paseban, sira wangsa Kapakisan, Nyuhaya sira, sira pralangganing bata mantra sowang-sowang, capan patih pwa adeg nira wyakti tistis angayap Aji Kresna Kepakisan, hyun ta ira Sira Arya Wang Bang, Demung kapwa sira, ri ayun ta ira Sira Arya Kuthawaringin. Tumenggung pwa sira, Yaddhu Kula pwa  siniptan ira saprakara, ri wekas ira Sira Arya Kenceng, malih sira Arya Dalancang. Sira Arya Belog, maka nguni sira Arya Kanuruhan, malih sira Wwang Bang, ring sira Dene Tan Kober, Tan Kawur, Tan Mundur maka bhusana tumandang, kunang sira Arya Gajahpara, lor prenah ira, nirkimut sira apaguneman, linganta Shri Aji Dipatya Wisnu Atmaka, akampuh ulung sinurat

5.b. mega sadhampaka, awediyan gringsing kawung sisigen masan, renteb de ira ngeraja singha, asekar dalima anting-anting sapatra abra to ta sira wetning rambut bhujana, akalpika mingmang, rupeki kang munggwing tuding ri olih ira anjaya lawe, agelang kana kemit tuwuh, suda manik maya, sinimbar garuda marep ungkur, kawerat ing kadga Si Ganja Dungkul alandeya danta paparempon ingukir tanduk patina, trep-trepniya kebek jinawi mirah, alungguh pwa sireng palimanan ring palankyan candana ginelar parama dami, pepek tang pedang pangawin, sana sini sparesi kinombalan ababungkul mas candek petang puluh tinatah sribang saha kandaga alante payun tan anangsal. Tan dwa prapta ta pwang utusan, tumurun pwa sira jumeneng ring natar, asalah aswa pwa kang mantra kabeh, matangniyan mangkana, hapan saika puri ing Wilatik…..

6.a. ta, kaabra tang utusan umisor ikang mantra samodaya, wus saika kondur pwa salingi rakriyan patih, ling Sang Aji:

“Sidyastu renaming nghulun, anut kami sabhawa cakra”

 

Salinan Lontar

WEDALAN RATU PINGIT

 (Bahasa Jawa Kuno)

 

Murda Lontar	: Wedalan Ratu Pingit
Druwe	: Giriya Kawyasastra Besakih
Kasalin olih	: Ida Bagus Bajra
Asrama	: Giriya Kawyasastra Besakih
Puput	: 22 Januari 2018
Kajilid olih	: YDK Bali. 01.2022
Katureksa olih	:

 

1a.

Om Awighnamastu mihan wedalan ratu pingit tithi sasih sadda, jumun mapatung ring dina tumpek, dane saya kenna bubuh lebengan patang catun batarane, ne lebengan acatun gen bawangajero, caritan ida mantuk ring pamangkunya, dane saya pesu tuwak, pada matakeh batarane, ne atakeh nggen banten ngajero carikan ida mantuk ring pamangkun ida, laris, 4,

1b.

macacar bubuh basenya pada maporos buwah besikan, sayane pesu base kakojongan, dane pattinggi, dane pacatu, muwah raraman dane, nene heluh dane kena panggorengan, dane saya manguturin pada makakojong, mwah dane nguduhin, dane saya mangaturin pada mannem kakojong, tuhuting heluh dane. Laris mangawacik iratu, wuwusan mangwacik iratu laris asurak, laris manyiratang

2a.

toya, laris makidung, wusan makidung, laris makakawasan, laris macade, laris mahider ideran, laris mangendengang kawas. Hanging dane saya, manumpek ping empat papesuwan dane tunggal, laris mangidihang Om Malih dane saya, mangalih dina sampun dane antuk dinan dane saya mangwangun kekem. Ngamanyang dane saya mangalih sahang, dane saya pesu kalambigi cning, jinah, hlis,

2b.

Ii, dane pacatu makadi cangapite, dane saya mapamit malu mideh, dane saya, lris kajalan i dewa candi kuninge, dane pacatu masaha, dijalan kiwa candi kuninge irika, dane saya, mapamit malu mideh, laris kalesahangan, laris ngaba sasantun, canang sahananya, baas nyanyah slangan anyar, suba tka di pasahangngan ngalih sahang bunut ne alih dane, rawuh dane ulih ngalih sahang pejang jalan i dewa candi kuning tumpukang madadah wayahan, laris dane mapamit mulu mideh, laris danne saya pesu nasi madwang takeh batarane, tuwak matakeh, mangwiji wiji kacang dwang ceeng, nasine katurang kaja, laris macacaran ne bten, mwah mahider hideran kajabayan, laris manyicipin tuwak, dipudang manganagone kutus gayung, mangwiji wiji, laris ka bale agunge badawuh, basenya kakojongan dane patinggi, dane pacatu antuk pada makakojong mangwiji-wiji, dane kna panggonggongan antuk pada makakojong mangwiji-wiji, dane manguduhin antuk pada mannem kakojong. Tuwaknya yenya belad yenya bangit, yenya mabaosan walu kapagah. Antuk dane kna pagongen dane manguduhin, dane patinggi dane pacatu, antuk pada mapidengan. Benjangan nika mamunggah dane saya pesu sasantun mawadah pane, brasnya mapatang catun batarane,

4a.

Ngiyu baha matali bnang slem, buwah giwana, base ambungan, matali bnang slem, taluh bebek, ngaran dane saya katah ka danu kuning, mangaba bonjor, anggen mangwacik i ratu palungngan, dane saya pesu nasi sikan telung dasa catu, nyalyan atakeh batarane hnyuh kalawuhan,  hnyuh kluddan, mabalhang, sisikan, psuwang pada matakeh batarane, nyalyan atakeh batarane, mwah kuyuh, psu wrat patang catun batarane, mmangegen bras, uyah patang catu, masem akuwung,  kunyit akuwung, siyut, sinduk, taledan, panggotok tatakan pada mbesik, ilih. Ngaran saang apesel, sampun pragat masagi, dane saya mangaturin dane patinggi, masaha jumah dane sayane, manganggen lis, mwah kabaligi cning takin lis, jinah, 66, bras, 3, ceeng, bakta, jinah, 18, bras aceeng, nesahannin dane patinggi, madadah,

BABAD I GUSTI PENATARAN

 

Salinan Lontar

BABAD I GUSTI PENATARAN

PRATISENTANA SHRI NARARYA KRESHNA KEPAKISAN

(Bahasa Jawa Kuno)

Murda Lontar	: Babad I Gusti Penataran
Druwe	: Giriya Kawyasastra Besakih
Kasalin olih	: Ida Bagus Bajra
Asrama	: Giriya Kawyasastra Besakih
Puput	: 22 Januari 2018
Kajilid olih	: YDK Bali. 01.2022
Katureksa olih	:

 

1.a. Om, Awighnam Astu Nama Siddhyam

Pangaksamaning hulun ri padaning Bhatara Hyang Sinuhun, sang ginlaring sarining Omkara Ratna Maya, hredaya bhumilayam, pinaka sang Yoghi swaranam, sira ya nugraha ring hanawaka ri purwwanira sang wus lepas, yapwan luputa nghulun ri tulah pamidhi, lwir sawigrahaning mala papa pataka, tan kataman upadrawa de Bhatara Hyang mami, ri pangriptaning kata, tan saking pangartha ri lekasning purana tatwa. Wastu tang para jana sama manwaken hayu, dirghayusha tekeng satreh sakula gotra Santana Shri Nararya Kreshna Kepakisan, namostu jagadhitaya, maka ri purwwakaning purana iki.

Om Wastu tathastu anugraha.

1.b. Kathakna mangke duk unikala, ri pantaraning saka warsa 1274, adhipati Bali Pulina, kang abhiseka Dalem Ketut Shri Kreshna Kepakisan, sira mundering Bali pulina, kang kinabih de sira Shri Nararya Kreshna Kepakisan, kang karatonira ngka haneng Samprangan. Tar simpang sira dening bhusananing kaprabhon mwang sikep kadga Ki Ganja Dungkul, nga, Si Jangkung Mangilo mwang karatala, nga, Si Olang Guguh. Caritranen mangke sira Shri Nararya Kreshna Kepakisan unggwanira haneng pradesa Nyuhaya papareng lawan Arya Wang Bang Pinatih kang madeg Demung. Ri sadakala Dhalem Ketut Shri Kreshna Kepakisan, maka catranikang bhuwana Bali, sira kinabih dening pararya, makadinya : Arya Kanuruhan, Arya Wang Bang, ……..

2.a. Arya Dhemung, Arya Tumenggung, Arya Kenceng, Arya Delancang, Arya Belog, Arya Manguri, Arya Pengalasan, Arya Kuta Waringin, Arya Gajah Para mwang Arya Getas, Si Tan Kober, Si Tan Kawur mwang Si Tan Mundur, ika samudaya kweh nikang pararya duking atitha ngenca lingganira sang prabhu. Wasitanen katha mwah sira Arya Gajah Para mwang Arya Getas dhatengeng Bali duk isaka 1284, kang wekasan juga dhateng Waisya tigang sanak, Si Tan Kober, Si Tan Kawur mwang Si Tan Mundur, mangkana tattwania nguni. Warsiteng mwah ri pamadeganira Dalem Ketut Shri Kreshna Kepakisan, kweh wong desa dusun tar mahyun rikahananira mangdadhya catraning Bali Dwipa, makadinnya wonghing Batur, Campaga, Songan, Kedisan Abang, ………..

2.b. Pingan, Munti, Bonyoh, Taro, Bayan, Serahi, Sukawana, Panarajon, Kintamani, Pludu, Manikliu, Patani, Culik, Tista, Margatiga, Muntig, Got, Basangalas, Lokasana, Juntai, Garinten, Nasi Kuning, Puhan, Ulakan. Simbanten, Asti Bantuwayang, Kedampal, Paselatan, Bantas, Tulamben, Datah, Batudawa, mwang Kutadalem, ika matangiang sira Dalem Ketut Shri Kreshna Kepakisan haneng eittania mahyun awalik mungsya Majapahit, pan rummasha denira tar sidheng anglakoni kaprabhonira, nghing ngka sira Ki Patih Gajah Maddha umaweh ikang sasana ruksa mareng sirang adhipati, mwang sira juga umaweh ikang sikep madurghama, nga, kadga Si Lobar, ngka tumuli sira amaweh ikang wacana, ih kita adhipati Bali, yan hana wong nggawe ……..

3.a. garugada, tar karatala tar kadga dening pinagut, nghing paweha imba kang babecik, astabrata mwang sadguna, glaraken niking sopacara ing kahyangan agung Besakih, mwang ri wetbet rajya Bali kuno, wenang ya rinajak angencani Bali, samangkana piwekasira Ki Patih Gajah Maddha. Rilawas nikang katha, sira Dalem Ketut Shri Kreshna Kepakisan, hana ta garopatnira saroro, kang kapretama, nga, I Gusti Ayu Raras sutanira Arya Gajah Para, kang ngawetwaken atmaja tri kwehnia: I Dewa Samprangan, nga, Agra Samprangan, kang ari I Dewa Tarukan, mwang kang anten I Dewa Ketut Ngulesir. Nghing dampatnira kang karwa apasadnya I Gusti Ayu Kutha Waringin sutanira Arya Kutha Waringin, ngka sira mijilaken kang suta apanelah I Dewa Tegal Besung, ………

3.b. tatkalaning sira wredah nikang yusha, ngka sira inaweh sutanira kang jyesta apasadnya I Dewa Samprangan, sira tar sidheng anglakoni nikang kaprabhon, pan honeng cahyaning hyas hoyeng wwe, duking mangkana sira kajuluk Dhalem ile. Nghing kang anten, kang apanelah I Dewa Tarukan tar mahyun madeging kaprabhon, sira pramasuka ngarcana hyang, samangkana juga kang kapitut, nga, I Dewa Ketut Ngulesir pramasuka twasnalanira angumbara mwang ajajuden. Wasitanen mangke sira Dalem Agra Samprangan tar sidheng mundering kaprabhon, ngka lumaris para tanda mantri mwang patih kinabehan angadakaken sabha, tar waneh kang ginositan praya linuruh sira dalem Ketut Ngulesir …….

4.a. umadegaken hoyeng kaprabhon. Risadakala ika juga sira Dewa Tarukan, ngawiwahaning sanak dharma putranira, nga, Raden Kuda Penandang Kajar lawan sutanira Agra Samprangan apenelah Shri Dewi Muter, ngka kang karwa angemasi antaka dening susaktinikang kadga Si Tanda Langlang, matemahan duka sira Agra Samprangan, duking mangkana sira Dewa Tarukan aninggali kadaton mungsya pradesa Pulasari, nengakna. Warnanen mangke sira Shri Nararya Kreshna Kepakisan ngwalatkara haneng Samprangan, hana suta wijil karo sama jalu, pasamudananing haranira lwirnya: Pangeran Nyuhaya mwang Pangeran Made Asak. Apa matangnia atmajanira kang sulung inaranan Pangeran Nyuahaya, tar waneh pan sira lungguheng Nyuhaya. ……