Salinan Lontar Babad Arya Bali Bahasa Kawi.

 

BABAD

ARYA JAWI

Mudda Lontar	: Babad Arya Jawi
Druwe	: Merajan Agung Jeroan Gede Bindu
Kedatuan	: Jeroan Gede Bindu, Desa Adat Bindu, Mekar Bhuwana, Abiansemal, Badung, Bali
Kasalin olih	: Ida Bagus Bajra
Asrama	: Giriya Kawyasastra Besakih
Puput	: 30 September 2021
Katureksa olih	:
Katiba	:

 

1.b. Om Awignamastu Nama Sidyam.

Pangaksamaning nghulun ri padha Bhatara Hyang Mami sang ginelaring sarining Ong-Kara mantram, hredhaya sunilayam, sidhya yogi swranam, sira saha nugraha ring ana wa kapurwwanira sang wus lepas, luputa mami ring tulah pamidhi, mwang sawigraha ning papa pataka, tan katamanan upadrawa de Bhatara Hyang  Mami, wastu pari purnna, anemwaken hayu, dirgha yusa kula gotra sentana.

Ri purwwa kala hana maya sakti tanpa ingan, krura kara, asyung adhangstra tiksna, angamah-amah, kadi trepning Danawa, loba moha, murkkaning de sastra prama dehap,  ring papati ikang kasmala umantuk pwa maring swarga stana, ri samangkana, wus putus pwa nalik-

2.a. anira ri ayatana, tinuduh ta sira anjadma dening Hyang sinung nugraha soka, maka Arda Nareswari pwa sira metu, margan ira sinuksma ri tata kalapa, wus pinali-pali, binresihan denikang saprakara ring sparswan ikang Tolangkir, askara wari skala nira jemeneng ratu ring Bali Rajya, bhineseka ta Shri Masula Masuli, winiwaha pwa sira ring sang ari, gnep pwa ring yuganta, samangkana pwa wijil nira, pada muksa sira tekaning tralaya, wekas sira wijil pwa sira mtu, apan ngalap wwang ing padha sira, Tapa Ulung nama nira, wetning kaliyuga ratu amuka meda, Shri Gajah Wahana nama nira, wetning Erawana nana. Wus amangkana caritenen ta ri kang dwastanikang Bada Ulu de sang andiri ring Majalanga wit ning wicitra nira Rakryan Patih Gajah Madha anglepas aken upaya sandi Aji Suksma kajanarda

2.b. nan, niyata maka pangupama, ring karistyanira Kbo Waruya, ring kuno, saka panjara nira Pasung Rigih hoyeng Tangkulak, ya ta wisirna nada murdam, dening sakti nira Arya Damar, sidhi mandi lumkasaken  tang Mandi Satkap, niyata nimitaniya hana sungsung ira Pasung Garigih,

Anumayam mirakaaruhu anjatita sira wesga, dada lapa wisula tang kamityanan sakapes ikang asu, malilang tang kapurusan tekeng delaha, heneng akena. Caritatnen ta ri tunggul nira Pasung Grigih, wirya ta Shri Kala Gmet, tinut inugra sakriya ning mantri, manggeh, manggeh dmak nira Madha ri mben ika tan len angutus amerangi sang Wredha Murtti Sambawa, sira sang aparab Dedelanata. Krura kara angiwak iwak asiyung adangstra loha, ganjira pada nikang waja, mucicil ikang matha ka

3.a. yo barong, aciplak kaya glap, tan critanan ikang laga, tan dwa sinapih dening Hyang Atitah, pada mukti kang atma, umantuk pwa ikang Ari Loka, pan mangkana, tinmu de Sang Macetanang, nihan Shri Aji Bada Ulu, nguni sira wus marana apwi, sunia titis ikang Bali Pulina, dadya ta manastapa pwa Sang Hyang Madha, tumonikang sasana ruksa.

Hana ta sira Dang Hyang Kepakisan ngaran ira, pandita para martta, sira anggeh cudamananyan ira Madha, maputra pwa sira wijil sakeng watu olih iran asurya sewana, stulaniran amuput tapsari ring taman, yata kaanggeh swami de nira, aputra ta sira, 4, kakung titiga, istri sasiji, ya ta tinur de ira Madha, anyakra dala tinda ri sang kanggeh prameswara bija. Sang matuwa mandirya ring Barangbangan, sang ari su

3.b. mendi ring Pasurwan, sang ing wkas sinuruh ing Bali tyaga, kinadyan wwang sakti gencong-gencong de nira Madha, tarpanna wunia nika susilan, wyakti Yang Narayana Wisnu atmaka, sakala ya anumandeli ring Tri Rajya, wus amangkana, caritanen ta Shri Raja Kapakisan, kang sumekeng Bali, yinarpana de nira Kriyan Madha, saraja kedatwan mwang bhusana kadi kapatyan, saha kadga Si Ganja Dungkul, sregep tan anungsal, siniwi dening Arya Kanuruhan, Arya Wwang Bang, Arya Kenceng, Arya Belog, Arya Pengalasan, Arya Manguri, malih sira Wwang Bang, kaping untat Sira Arya Kutawaringin. Kering nira tan katarjjana, tan kina satrapning ta apsara Ghana, tumiyang aken kapwa awaknya ring sajuru sajuru, hana pwa sira Arya Gajah Para tumekeng Bali, sahuntat ira sira Ar

4.a. yya Kuthawaringin, sira sang asana ring Toya Anyar, nimitaniya mangkana, apanning dangu paturunaniya Kriyan Madha, hana ta Ksatria Wangsa sakeng Kepakisan, nyamut sira tumekeng Bali Aga. Hana Wesya sakeng Majapahit tigang sanak, aran Si Tan Kober, Si tan Kawur, Si tan Mundur, aran sira dateng heng Bali, telas ikang kawawas cinadyeng lepihan, han hana inalimpa dene katha wastwam pun hana de sang amaca, mwang tan katama upadrawa de Sang Sidha sidhan karuhun, namastu jagatdhitha pari sudha ya, tan kasampel tan kasempil at tekeng sentana prati sentana ri Bali Rajya, saprapta nira pra Aryeng kuna, nirdyam pwa tang Bali Rajya dening prakopan ikang dusun-dusun

4.b. lwirniya Batur, Cempaga, Songan, Kdisan, Abang, Pinggan, Munti, Cintamani, Srai, Manikliu, Bonyoh, Tarobayan, ikang Sikawana maha Panrajoning kamusuh, malih pangetaniya, Culik, Tista, Garbhawana nguniweh tang desa Gotan, Paslatan, Watudawa, Muntig, Juntal, Carutcut, Kuthabayem, Watuwayang, Kadampal, Asti, tumut tang dusun-dusun saprakara, adinikang musuh sapraptanira Arya Gajahpara murtti Toya Anyar tanui kawes ikang pra dasa dasi, mwang de nikang Tan Kawur, Tan Kober, Tan Mundur tumilih sakeng kulwan.

Arawas pwa malih manggeh tan trap ikang Ba-