REGISTER YDK NO 011 TUTUR SMARA REKA

 

TUTUR

SEMARA REKA

 

Judul Lontar	: Semara Reka
Druwe	: Puri Anyar Ubud
Kasalin olih	: Tjokorda Gde Bayu Putra
Asrama	: Puri Anyar Ubud
Puput kasalin	: 09 Maret 2017
Katureksa olih	: Ida Bagus Bajra
Kajilid olih	: Yayasan Budaya Dharma Kawisastra

Om Awignamastu Nama Sidam

1.

Iki Tutur Samara Reka, Slokantara, Sunia Reka, mijil, maskona, mimitaning mijil, tara, mimitaning manusa, smara, bayu, reka, matuptupan, sloka, dina, tara, adan dina, dina, wawaran, ada Ekawara, Dwiwara, Catur Wara, wawaran dadi manusa, Ekawara dadi kama petak, Dwiwara dadi kama bang, Triwara dadi kama dadu, Caturwara dadi kama lemek, pritiwi, metu sakeng pritiwi, sampunika tingkah dadi manusa, krana tan wenang nanem ari-arine ngawag-ngawag, yan ngawag-ngawag nanem ari-arine, dudu manusa, sato pawakania, ring pasinggahaning lawang paturone, yan lanang, ri teben, yan wadon ri kiwa, apan wiwitaning manusa wantah Dewa, Dewa Bayu angin, Dewa Bayu, pritiwi, Dewa Bayu toya, Dewa Bayu dina wawaran, dini manusa. Krana manusane makadi Dewa, mekadang kayu, mwah dina, mekadang pritiwi, malih Sang Hyang Aji punika, malih dewane sami, punika tunasing urip, tunasing mreta, ajak idup, ajak mati, punika mimitaning manusa meagama Tirta, kayu ajak mati, kayu, klapa, sangkan ari-arine wadahin klapa, aywa ngawonang daging klapane, raris rajah daging klapane, kayeki rajahnia,...............Malih rajah nyamuknia, kayeki rajahnia,………raris dagingin ari-arine, bekelin lontar asia guli, rajah kayeki, ……. Sang tabe Pakulun Yah, raris kaput antuk duk, raris tanem, mwah sasapane nanem kayeki,

2

…….Sang Hyang Ibu Pritiwi, mwah Sang Hayu, meraga mreta sanjiwani, ngamretaning sarwa tumuwuh, nama syanu, mangda nutugang tuwuh. Malih risampune kepus udel rarene punika karyanang sanggah tutwan, genahang ring ari-arine matanem, tunggil mangajengin rarene, jotin ari-arine, tanjen madahar, odele becikang, karyanang kekatong, irika genahing odele, malih risampune tigang sasih, rarene, irika raris kakatongin rarene, iti tingkah magama tirtha.

Malih Sang Hyang Smara Reka, malinggih ring Taksu, mwah ring belakang, Sang Hyang Smara Ratna malinggih ring pasaren, mwah ring pwaregan. Sang Hyang Smara Gatti, malinggih ring catu, mwang ring kulkul Bale Agung, Sang Hyang Smara Lanna, malinggih ring Sanggah Kamulan, mwah ring Bulakan, Sang Hyang Smara Ginna, malinggih ring pasih, mwah ring tukad, Sang Hyang Smara Ginna malinggih ring pangrarungan, mwah ring bantang matyem, Sang Hyang Smara Kopa, malinggih meba…., mwang ring balulangan, yeh, Sang Hyang Smara Besar malinggih ring ketungan belah, mwah ring lesung bolong, Sang Hyang Smara Lombon, malinggih ring tiying sula, mwang ring punyan kalapa, Sang Hyang Smara Tangi, malinggih ring neb pwaragane, mwang ring neb jinane, Sang Hyang Smara Nidra, malinggih ring neb salu paturone, yan sira wus wruh dadi manusa, adoh geringe, nanging arang wong wruha, dwaning satus akutus laran manusane, jatinia wawaran dadi kama, kama dadi smara, smara kene, smara keto, jatinia, semar, sakti, smara, tumbu sakite, yan sakit, sparan linggih smarane tebusin, dadi ya seger.   

3.

Nanging ring sakite, yan kija patute, tebusin, apan maseh sakite, mwah dadi Babajangan,