Salinan Lontar
TUTUR
BANG BUNGALAN
|
Murda Pustaka |
: Tutur Bang Bungalan |
|
Wit Lontar |
: Puri Bangli, Bali |
|
Kaalih aksara olih |
: Ida Bagus Bajra |
|
Asrama |
: Giriya Gunung Payangan. |
|
Tanggal |
: 17 Februari 2014 |
|
Katureksa olih |
: - |
|
Pustaka |
: Buku ngangge aksara Bali |
Om Awignamastu Nama Sidham,
Itti Tutur Bang Bungalan ngaran, luirniya Upapati laraniya, patirtha weruha sakaluiraning jajuwangan, nyuwang nyama, salah wekasaniya andadi Endep-endep, nyuwang mantu dadi Namu-namu dadinta.
Nyuwang ipah, salah, dadi Iris-iris, sanaknya nyuwang rarama salahnya dadi Ulad-alid sanaknya, luirniya yan Arya, Dhalem nyuwang wwang tani, salah, sanakniya bengkiwa, rabiniya sama salah, Aloka, ngaran, kaselehan ikang donya saluiring salah jajuangan.
Yan mula bangsa tunggal tan wenang ingameta tan wenang ingameta ika ngaran Salah Juangan, dadi susud guna, susud wangsa, dadi salah krama, salah krethi, salah basa, salah tingkah, salah tunasan, salah indik, salah sambatan, apan si beten dadi luhur, dadi salah takeh, salah linggih, linggih dadi ngaran Lingga, Lingga ngaran taru tan wenang sor luhurin, dadi salah linggih, dadi nyakitin, dadi cacad, sanakniya dadi cacad, ngaran setan dadi metu kali matemahan rug kang jagat.
Ne tan wenang wenang ingangge wadu ikang manusa, setan mawak wwang, setaning jurang, setaning sema, setaning alas, setaning awak, Butha Kancaka, Bhuta Kalpa tur Bhuta Kala Durgha Maya. Ika nguduh matya dadi manusa iya nadah ibunta salah ingangge.
Malih nyuwang cucu pelih salah, nyuwang kajuang masih salah, Makedengan Ngad ngaran, hana caruniya maguling pabangkit guling ika kucit butuhan, pamarginiya ring marga agung, pamaraniya majaga satru tur mabakti mider anuwut urip dina.
Punika nyuwang nyama masih salah silih tunggil rusak, Titi Ugal Agil, ngaran, patuh tingkahe teken anak demen mamitra masih salah, marabi ring wong arabi, sami salah, apan manusane sama awak kayu ne dadi parahyangan, kakubon, pakubonane mawenang-wenangan, ling Sang Brahmana, yan parahyangan lalumbungan wenang tarune jati anggening pakubonan manusa tan wenang, apan taru mesor singgih, pati kacuh adan manusa yaning manusane salah juwangan. Yan pakubonane cacad munggah apan tan wenang angge ingangge ika dadi cacad, manusa tan hana kadi taru latha, tan surud tempuh angin agung alit, tan hana luput wwang tibaning bayu, nanging bayu angaraning baya, baya ingaranan sakit, apan taru tunggal ring manusa, duwaning manusane salah juwangan, sama cacad, apan iya salah linggih.
Yan Sang Prabhu ngambil rabi jaba, cacad ngaran, sanakniya Bengkiwa, ngaran susud guna, susud kasukan, susud wenang tuwuh. Yan Sang Brahmana ngambil rabi jaba, Bengkekok, ngaran, susud wangsa, surud kasukaniya, kasidyan tanpa guna, salah juwangan, salah linggih dadi cacad, angadakang rug jagat, pateh kadi Sang Prabhu alaniya.
Yan Jaba nyuwang Sang Prabhu, cacad, dadi Guricak, papa tan kasupat dening Sewa Sogatha, nanging Sang Prabhune ta mabiyang jaba, yening mabiyang jaba, sama katane apan tengaran Bengkiwa, setan mawak wong.
Yan wwang tani ngamet Siwaniya, dadi kuricak, wekasaniya dadi kidang syu tawun,wus dadi kidang, dadi pelik syu tawun, wus dadi pelik kasasar, dadi kedis syu tawun, wus dadi kedis dadi be sarapan syu tawun, wus dadi be sarapan, dadi lalipi kagila-gila syu tawun, tan hana tulak marah. Nanging yan tan hana mabeya jaba siwaniya, yan mula totosan preti santana wekasan.
Yan hana mangamet jaba, sama teken sarandu araniya, dadi susud wangsa, susud guna, susud kasidyan, susud wenang tuwuh, susud kasukan, sok tidong kranjang tidong, sahingan tidong, punika ngaran Sarandung. Saru ingaran samar, ngaran tonya, Srandung ngaran munyi kaanggo pesune munyi ginawe hala, yan dadi teliking jagat yan beneh jati dadi iwang, mulan sadu solahe dudu sane kang nrepakan, amerih akena pakolih punika tan mawak wong. Tan meling ring kahyangan Dewa, mangkana kadadyaning manusa salah jajuwangan, salah ngaran jele, juwang, ngaran raga, raga, ngaran mati mati juga jwa ragane ndatan pahanak, apan bengkiwa tan wenang manakan mwang Bengkekok tan wenang manakan, patuh ring sarandung, apan punika saru bebek boya, landak boya, sato tidong, punika salah juwangan dadi manusa pada, pada tatunasane, pada bekelne, pada ngaba pati urip, pada melalung lekadne, tan hana mamuat punapa punapi, dwaning samantara tingkahe wawu mijil, tan makta punapa punapi, sajawining ari ari getihe, yeh nyom, banah to ya ajak sareng mijil.
Ari-ari ngaran Sang Hyang Surya, Sang Hyang Wisnu ngaran Lalata ngaran Bun, Bun ngaran Tali, ngaran Guna. Getih ngaran Bayu, Bayu ngaran Mertha. Yeh Nyom ngaran Mrethan Danu ngaran Mretha Dhana, ngaran Jinah, Jinah ngaran Sang Hyang Sedana, talinin antuk Sedana yan tan lacur masedana iwang, kapanggih tali sami ngedeng apan taline mawak guna mawak tikeh, tikeh mawak pandan dwaning hana pandang wong dadi Ong Kara.
Wong ngaran manusa, kara ngaran lobha, krang krang ngaran anteng, ngendah pelag kakrengane, ngendah pelag kahantengane, apan ane ngajak lekad ngajak nguduhang, sami punika ngedeng, pedas sampun matali alihan ta tatali kita, liking taline tan wenang tampihang.
Ilikita ngaran sang Hyang Aji Saraswati, Saraswathi ngaran Sang Hyang Ari, ngaran Sang Hyang Surya, jatiniya Sang Hyang Ari ari nyuryanin, apan sane ngajak lekad bareng dadi kita. Punika kertining miwah Ida Sang Hyang Saraswati krethining kretining astiti bakti apan sampun tanpa kerthi dadi manusa, luirniya punika ngajakin salah juwangan mwang pakertine ngadakang hala hayu, iwang patut, apan salah basa, salah linggih punika dadi cacad saking munyi ngadakang bedang, ulam, da,ngaran sing Bhatara ngaran Bhatara nunas, ulam ulam ngaran, be be, dadi karen, lulu dadi be, apan ulame ingaran lulu, lulu apan don kayune ulung, yan prada maring ulam waluya dadi kala pepek pada ginan kala, sahisining jagat mamiyikang kala, metu saking kayun, sangkan hana kayu klampyak, kayu kalinjo, jatiniya ari ari, banah, getih, yeh nyom ika ingaran lulu anadi preta.
Butha kala ngaran Dengen dwaning ngapa Dengen, penengen ngaran sanggah. Hana sanggah kamulan, sanggah citha, sanggah pacaren, sanggah taksu,
Tidak ada komentar:
Posting Komentar