BABAD UTTARA KANDA

1b.       Om awighnamastu nama sidam. Iti Babad Uttara Kandha. Loka phala kapir (kaping?), kayeki pidhartanya. Nabi Adam maputra Sang Hyang Nabi Sis. Sang Hyang Nabi Sis maputra sawiji lanang, mabiseka Sang Hyang Nurcaya, bagus tan sama-sama. Glising carita, Sang Hyang Nurcaya mulana ring polo dewani, tan pamwit ring yayah ibu. Mungguwing polo dewani punika kaprayanga jim. Mangke caritanan Sang Jim, punika nurunang setan miwah iblis, padelatan lan demit, mwah brakasakan sami. Mangke caritanan Sang Angajali, maputra Sang Ancakara. Sang Ancakara punika madwe putra ulu likur. Nanging ne mungguh ring cara, wantah papitu, sane pinih

2a.       ajeng, mabiseka Prabhu Palija. Pamade Patih Prawata. Manengah Prabhu Durawangi. Arine Prabhu Muradi, biseka nyeneng ratu ring Pulo Dewani. Arine Patih Amir aranya. Wenten malih arinya mabiseka Sang Darih. Nanging marupa yuyu, makahyangan sajroning samudra. Mangke caritanan Prabhu Nuradi, madwe putra sawiji istri, warnnanya lwih ayu, mabiseka Dewi Nurini, punika kaprabiyang ring Sang Hyang Nurcaya. Glising carita, Dewi Nurini mobot, sawatara dina, medal putra sira lanang, bagus kadi ikang rama, mawastu Sang Hyang Nurasa. Ri sampun amunggah truna, kesah saking puri, tanpa pamit ring I aji mwang I biyang, mula/-

2b.       -ne ring Pulo Dewata. Mangke caritanan Prabhu Rawangin, ring Polo Dewani, madwe putra istri sawiji, mabiseka Parirawati, warnnanya lwih ayu, kambil maka rabi dening Sang Hyang Nurasa, sawatara dina, Dewi Rawati mobot, medal putra lanang putranira, mabiseka Sang Hyang Dharma. Glising carita, Dewi Rawati malih mobot, medal putra lanang bagus tan sama-sama, mabiseka Sang Hyang Wnang, tapannyane anglwihin matapa sajroning bhumi. Matapa sajroning gni. Matapa sajroning samudra. Matapa sajroning wreksa. Matapa sajroning mega. Matapa sajroning gwa. Mwang ring gunung-gunung, tlas salwiring tapa. Sami de/-

3a.       -/n lampahin, ring kasaktenira. Dadyannya Sang Hyang Wnang kesah saking puri, tan matur ring yayah bibi, anglalana ring Polo Kling. Araryan ring pucaking gunung, irika ngawetwang kasaktyanira, ngawe swargan, ring luwur megane, magantung tanpa cantel, umah masasocan, endih muruh katingalan. Mangke kacaritanan Prabhu ring Pulo Kling, marabi ring Dewi Pisawasi, patutan sawiji istri, warnannya ayu, mabiseka Wisawoti, ngambil rabi dening Sang Hyang Wnang, patutan kakalih, pamarepe mabiseka Sang Hyang Tunggal. Arine mabiseka Sang Hyang Hning. Sang Hyang Tunggal mulane ring gunung-gunung, trus ring samudra, tumuli araryan. Mangke gumanti i/-

3b.       -/kang carita, satrahe Sang Jim, iki kawitan ipun, mabiseka Sang Darih, maputra Jim Nat, Jim Nat maputra Sang Minangkara. Sang Minangkara maputra Sang Raka Tatama, prakahyangan sajroning samudra. Sang Raka Tatama, maputra sawiji istri, mabiseka Dewi Rakata. Wekasning lwih ayu warnnanira, kala prabi dening Sang Hyang Tunggal, sawatara dina, denira Rakatawati mobot. Glising carita, medal putranira, anging marupa antigan, wiyadin taluh. Sang Hyang Tunggal wawu nyingak antigan, arsa puginanti, antigan malesat maring gagana. Sang Hyang Tunggal nututin. Mangke amangkana Sang Hyang Tunggal, caritanan Sang Hyang Wnang, kesah saking Pulo Kling, munmulaka ring gunung-gunung, araryan ring Pulo Jawa. Kagiyat mulat ring

4a.       akasa, lwir randa runuh, mlaro tiba, tinadahan kasta kalih, kacingak marupa antigan, kiwigi tumuli kabanting, dadi lare kakalih. Mangke kocapan Sang Hyang Arum Tunggal, ikang nututin antigan, saksana prapta ring arsa, dening Sang Hyang Wnang, tura ngarepin lare kakalih. Sang Hyang Wnang ngandika, duhira Sang Hyang Tunggal, dadi lawas tan hanolih ira mulana, ingsun kaliwat konang. Sang Hyang Tunggal maatur: Pukulun bapa aji, rawuh kawula mariki, sajatine nututin antigan prasama mrasa iriki tiban ipun, Sang Hyang Tunggal. Dadyanya Sang Hyang Wnang tumulya ngandika: Weka kalih gane iki, putun ingusun dewek. Glising carita, putih taluhe, kinaryanan palitwa, mabiseka

4b.       Bhatara Yama. Kuning taluhe, kinaryanan paling alit, mabiseka Bhatara Manik. Nanging katah bisekanira, Bhatara Girinata, Bhatara Nila Kanta, Bhatara Jagatnata mwang Bhatara Guru. Sang Hyang Wnang saksana musna, mantuk maring kadewatan, sareng Sang Hyang Tunggal. Mangkin caritan Bhatara Manik, malih waranugran Sang Hyang Wnang ngawitin tanah jawa, lan makaryya swarggan, mwang naraka, tembangan isin jagat, sasiptane musti dadi nurunang praratu, ring Bagala, miwah tanah Jawa. Bhatara Manik sampun arabi, ring Bhatari Uma, masalinbiseka, mabiseka Bhatara Guru, maputra lalima, patutan ring Bhatari Uma. Bhatara Sambu paling twa. Pamade Bhatara Brahma. Manengah Bhata/-

5a.       -/ra Iswara. Arine mabiseka Bhatara Wisnu, Bhatara Mahadewa paling alite, lianan saking Bhatari Uma, putran Ida Bhatara Guru. Mangke caritanan pun Bhatara Yama, ne pinih twa, Bhatara Bongkokan. Pamade Sang Hyang Tambaru. Manengah Sang Hyang Kwera, Sang Hyang Mahawati. Bhatara Siwa, mwang Bhatara Suryya, Bhatara Candra. Wenten malih Bhatara Yamadipati, mwah Bhatara Kamajaya. Malih Dewi Dharmmani, paling alite, jangkep kasa, putan Bhatara Yama. Mangke caritanan putran Bhatara Dharmma, pamarepe istri, mabiseka Dewi Dharmmani. Pamade lanang, mabhiseka Sang Hyang Dwija. Manengah mabhiseka Sang Hyang Trikaya. Pinih alit, mabhiseka

5b.       Sang Hyang Catur Knaka. Sang Hyang Catur Knaka, maputra Bhatara Nrada. Mangke gumanti ikang carita, caritanan Sang Hyang Tunggal, ri sampune mrabi yuyu. Tumulya rabi malih ring Dewi Dharmmani, maputra katiga, Sang Hyang Dharmmani, pinih twa. Arine Bhatara Njali, Bhatara Lodra, paling alit. Mangke caritanan Bhatara Sambu, mabiseka Sambudana, maputra Esti Jumili. Esti Jumili, maputra Bhagawan Mulasiddhi. Resi Mulasiddhi maputra Deredana. Deredana, maputra kakalih, Bhagawan Wasista, ariso madibhiseka Prabhu Danur Dhara, ring Loka Pala kratone, maputra sawiji lanang, mabhiseka Prabhu Karnadhanapati. Maputra Lokapana, maputra sawiji istri, mabhiseka De/-

6a.       -/wi Wekati. Mangkin kacarita Bhagawan Wasista, maputra Bhagawan Pulastu. Resi Pulastu, maputra Resi Padma, maputra Bhagawan Wisrawa. Maputra Prabhu Wiswawana, patut saking Dewi Lekaki, nyeneng ratu ring Leka Pala. Nabalade twara ksapa, mwang manusya Patih Detya Bandendra, punggawanya. Patya Wisnungkara, Sang Gomuka, Sang Rukmuka, Detya Gurmuka mapunggawa manusa. Citra Sudirga, Citra Guna, Citra Sakti, makweh yan caritayang, gagaduhe ring Loka Phala. Mangke caritanan ring Lengka Pura, saking panyeneng istri, tumurun saking Bhatara Brahma, mabhiseka Brahmani, marabi ring Brahmana Raja, maputra sawiji istri, maaran Brahmani Wati, mrabi ring Prabhu Njarananjali,

....... bersambung.........