EKA PRATAMA PRATAMA SAMAPTA

Eka Pratama Samapta.

No Lontar	: 244/ggp/11/2010
Judul lontar	: Eka Pratama Samapta.
Druwen	: Ida Pedanda Gede Telaga.
Giriya	: Giriya Gede Telaga Sanur.
Kaketik Olih	: Ida Bagus Raka Bajra
Asrama	: Giriya Gunung Payangan, Gianyar.
Puput	: 6 November 2010
Katureksa olih	:

1.a.

Om Awignam astu nama sidyam,

Ikki Eka Pratama Samapta, ngaran, Nguni hana pawarah ira Sang Hyang Jagatnatha, ring Sang Hyang Aditya, ling nira, rikalaning rare hana metu ring rat, yogya sira aweh pali-pali ring manusa pada. Yan tan sira aweh pali-palining rare, samangkana lwir sarpha sato kramania, nanging rikalania aweh pali-pali, wenang sumiksakena ring Sang Hyang Siwa Ditya, kramaning pali-pali, ngaligyana rare, Wenang manista madya uttama, uttamania madudus agung, sanggar rong tiga, madyania sanggar rong siki, nistania tanpa sanggar, mangkana kramania. 

Nihan kramaning rare wawu mijil, manista, madya mottama, makadi pamapag, lwirnia :

Panyeneng, jarimpen di wakul, mwang kurenan, mwah jarimpen tegeh, makadi pamapag guling bebek, guling celeng, mwang sepatutana uttama muwang leledarantaka, mwang kulkul pada asawuran, tinut pada imurawa sahonian-honian, mwah dapetan kang madya, panyeneng, jarimpen diwa-

1.b.

kul, mwang kurenan, mwang dapetan nista, sega jit kuskusan, nanging alit.

Mwang ri tekaning kesah udelning rare, wenang angawe panglabahan, lwirnia :

Panyeneng, jarimprn di wakul, kurenan, jarimprn tegeh, benia genep, isin sawah, isin tukad, isin alas, isin pasih, bawi, bebek, satha, jotan pacing ayaban, mwah katipat pesor, entil, sasanganan bantal, sapatuting panglabahan,  mwah maleleh, magelang benang, maayunan, mwah puser ikang rare, wadahakena katipat kukur, gantung ring sorong rare aturu, sangsangan, wastra, gelang, bungkung.

Mwah ri tekaning wi wlaswetuning rare, lwirnia :

Panyeneng, jarimprn di wakul, mwang kurenang, jarimprn tegeh, panebusan, mwah walinia ngundang jogged, wayang.

Mwah tekaning sawulan pitung dina, nihan pali-pali bajang colong, akakambuh, ngaran, bantenia ring  kayangan, lwirnia : -