BABAD PASEK KELUARGA KEKERAN, BUSUNGBIYU, BULELENG

 

Turunan Lontar

BABAD PASEK KELUARGA KEKERAN,

BUSUNGBIYU, BULELENG

Murda Lontar	Babad Pasek Keluarga Kekeran
Druwe	: Keluarga Pasek Kekeran, Busungbiyu
Kawacen olih	: Ida Bagus Bajra
Asrama	: Giriya Kawyasastra Besakih
Kaketik olih	: I Made Sudirawan: :
Selesai	:10 Agustus 2021
Kajilid olih	: YDK Bali. 08.2021
Katureksa olih	: Ida Bagus Bajra
Untuk keperluan	: Keluarga Kekeran Busungbiyu
Kapica	Babad Keluarga Kekeran

 

1.b. Awighnam  Astu Nama Siwaya.

Pangaksamaningulun ri pada Bhatara, singgih ta sira Hyang Bhatara Pasupati,alungguh ring sunia taya, angasthana ri sikaraning giri dwipa, tabé-tabé kapwangulun, aneda ampura, riolih Bhatara Hyang kabéh, ta cinitra  munggwing lepihan, sang ginlaring Ong Karatmana Mantram,  Wredaya Sunilaya, Siwa Yogiswaranam, sira sang anugraha,

2.a.waka purwani sira sang wus lepas, luputa mami ring tulah pamidi, mwah wigrahaning mala papa pataka,tan katamana upadrawa dé Hyang Mami, wastu paripurna manemwaken ayu.

Ri purwakala hana maya sakti tan pahingan, tar parhyangan, krura kara asyung dangastra tiksna, angamah-amah kadi trepning danawa, lobha momo murka, dé sastra prama ayu, cinacad sarwa tatwéng atitha, yata wisirna binuru udak kantep,             ring puput ikang-

2.b. kasmala, umantuk pwa maring Swarga Sthana, ring wus mangkana tinuduh dénira Hyang anjadma, sinugraha soka mahadana ri swara, pwa sira metu, sinuksma ritataning kalapa,pinuter déning kalapa, pinuter déning pedang, wus  pinalari binresikan, sapratapa ri parswaning Toklangkir, aganti Puja Stawa, riturunira  Bhatara Pasupati,maring Bali- Raja,maka panguluning bhumi Bali, riwekasan  rininci dé Bhatara Pasupati, maring Gunung Mahaméru, matangian mangkana, déning Bali

3.a. raja binayang  tekéng Bhumi Sélaparang, upami jong saksana tunggal, saksana pasah, mangkana padartania nguni.

Nihan gunung maring Bali, mimitania nguni, hana gunung marepat, rininci dé Bhatara Pasupati, ring Wétan Gunung Lempuyang, Kidul, Gunung Andakasa, Kuluwan, Gunung Watukaru, Lor, Gunung Beratan. Ingan déning Hyang Ari Bawana, génjong ikang bhumi, yatika matangyan Bhatara Pasupati, ahyun amunggel Gili Suméru, déni

3.b. kawlasen anonton Bali lan Sélaparang, tandwa pinunggel,agya tumurun ning Bali Raja, tekéng Sélaparang, I Badawang Nala kinon dé Bhatara maka dasar ikang bhumi, sira Antaboga, mwah Sang Naga Basukih, tumut sira Sang Naga Taksaka, sira Sang Antaboga mwang Sanghyang Basukih, yatika maka tali, Sang Naga Taksaka mangeberang, mawa maring Bali lan Sélaparang, kinén dé Bhatara tandwa kinupak Giri Suméru ika, ginawa maring Bali, lan Sélaparang, duk ring dina, Ka, Wra

4.a. Mrakih, Pa, Ping, 15 , Sasih, Ka, 4 , Rah, 1 , Tenggek, 1 , Içaka 11, Éka tang Bhumi Bali.

Alawas-lawas ayusa ikang rat, 70 , Tahun, dina, Ka, Su , Tolo, Sasih, Ka, 5, Tang, Ping, 5, Rah, 0, Tenggek, 7, tandwa udan adres, siyung riyut, ketug, tatit, genter, lindu, 2 ulan lawasé udan, wekasan akeplug giri Hyanging Toklangkir, mijil tang salodaka.

Wus mangkana, alawas-lawas prapténg wé, Ka, A, Prangbakat,

4.b.Sasih, Ka, 6, Tang, Pang, Ping, 5, Rah, 3, Tenggek, 1, Içaka, 113, manih akeplug Hyanging Toklangkir, wijil Bhatara Putrajaya, tumut arinira Bhatari Déwi Danu, tumurun maring Basukih,                 abiséka Bhatara Mahadéwa, ariné Déwi Danu aprhyangan ring Ulundanu, mwah Bhatara Gnijaya aparhyangan maring Giri Lempuyang, duking lumampah Bhatara Tiga tinuduh dénira Bhatara Pasupati, “ Hé anaku, Mahadéwa, Ni Danuh,