ASTA KOSALA KOSALI

 

ASTA

KOSALA KOSALI

Diturun dari	: Gedong Kirtya Singaraja.
Rontal Druwen	: Singaraja.
Nomor	: IIIc. 231.
Di ketik Tanggal	: 1Februari 1973
Oleh	: I Ketut Windia
Diperiksa Oleh	: I Ketut Suwidja.
Di tik kembali tanggal	: 26 Juni 1988
Oleh	: I Made Sudirawan.

 

1.b. Om Awigenamastu Nama Sidham,

Ikki tutur Dharmaning Guna Kosali, ngaran, kaweruhakena de sang mahyun ataki-taki dharma guna hayu, wenang ingangge de sang  lumaksana gunaning undagi. Ayu agya lumaksana kaweruhakena kang undagi ring sarira rumuhun, apan tuhu hana undagi ring sarira. Ika tatasakena ring sarira, harania, rupania, genahnia, sastrania mwah dewatania, lamakane wenang ginawe kang saluiring sikut, ndya wyaktinia, nihan. Dewataning Undagi, ngaran Sang Hyang Prajapathi, rupania abang, sastrania Ang (      ), suarania Am (  ), genahnia ring tungtunging ati, margining pasuk wetunia ring idep.

Yan mijil ring jaba rumaga ring budi mangereka, ngaran, kan idep gumawe hala hayu nikang sikut. Mwah hana wadwan ira sanunggal ngaran, Bhagawan Wiswakarma, rupania kadi angin, sastrania Ah (        ), swarania Ah. Genahnia ring patemoning rasa, margining pasuk wetunia ring bayu. Yan mijil ring jaba magenah ring lepa-lepaning tangan kalih, ngaran, Sang Hyang Bayu Reka, ika rumaga laksana, gumawe saluir hala hayuning sikut, mekadi rumaga sikut.

2.a. Marga nikang sikut kabeh metu saking lepa-lepaning tangan kalih, yan gumelar ikang sikut, maring sikuting yasa, ikang sikuting sasaka amurwaning, wenang mider kabeh, kaya iki pidartania. Itti Sikuting Yasa, ngaran, kaweruhakena kramania, pawitan jaga ring sasaka, mwah panjang ikang sasaka, ikang sajebar, ngaran, limang guli, ika sinangguh sikut satus sawelas jimbarnia, mangkana ingaranan Brahma Sandhi, saking jebarnia maweh haram.

Mwah yania tuna satengah guli jebarnia, Sigra Premana, ngaran, yania tuna saguli, Catur Anggana, ngaran. Yania tuna saguli nanggu atengah guli tuna, Pitung Guna, ngaran.Yania tuna rong guli kang jebarnia, Tri Adnyana, ngaran, Telas alit ikang sasaka.Mwah sikut panjangning sesaka, yania 19 rai, panjangnia tekeng papurus tunggal, mahurip aguli linjong, Sama Rana, ngaran, wang teka tresna jenek, umahing wesya, sudra, amadya hayunia. Mwah yan tan pahurip, ngaran, Bengkang. Palania tan kapegatan gering, umahing Bhuta Kala Dengen, piteher angelaranin mwah rinebuting desti teluh teranjana, tan pegating tukar, kowos tanpa sangu. Ika kayatna kena de sang undagi.

2.b. Mwah yenia 20 rai panjangnia, mahurip seuseran tujuh, Kusuma Ratih, ngaran, ika hayu dahat. Yania mahurip anyari kacing, Prabhu Anyakra Nagara, ngaran. Yania mahurip aguli, Prabhu Angerebut Kedatuan, ngaran. Yania mahurip setengah rai acaping, Sang Hyang Kunda Abyuh, ngaran. Yania mahurip satengah rai, Sang Hyang Sidana, ngaran. Wenang umahing wesya, Brahmana Welaka. Mwah yan tan pahurip, palania bengkang, doyan kadalih, gering tan pegat, hala dahat, hala ika. Malih yania 22 rai panjangnia, mapahurip sawetara sacaping mwah setengah rai, Sang Hyang Kumbangrat, ngaran.