USADA TUA

Salinan Lontar

USADA TUA

Turunan Rontal :	: Ida Pedanda Putu Mas
Pecak Druwen	: Giriya Mas Blahkiauh, Abiansemal, Badung, Bali.
Nomor	: IIId. 97/2
Puput Kasalin	: 3 Januari 2008
Kasalin malih	: Ida Bagus Bajra
Asrama	: Giriya Gunung Payangan
Puput	: 31 Juni 2012
Kajilid olih	: YDK-Bali. 05.2015
Katureksa	:
Katur/Kapica	:

1.b. Om Awighnam mastu,

Husada Tamban Sula Sagara, wutah wutah, basangniya maswara gradag-grudug. Srana babakan kamarugi, 3, isin lengkuas, 3, iris, kulit pangi, krang ring pasih, tunu, ulig, mwah dakin penyombengan, temple ringudel,

mantra:

“Ong Sang Belibis Putih tengahing segara, yang Sula Segara, I Belibis Putih tengahing segara, tan sula i anu, sidhi mandhi mantranku”.

Malih mantra:

“Ong Sang Jong, Sang Kulik-kulik, Sang Kutuk-kutuk, yan Sula Sang Jong, Sang Kulik-Kulik, Sang Kutuk-Kutuk, Sula Banta si anu, yan tan Sula Banta Sang Jong, Sang Kulik-kulik, sang Kutu-kutuk, tan Sula Banta si anu, sidhi mantranku”

2.a. Sarana: Tanah pahempatan timbuk ping 3, aja maangkihan, yan ada nyapatin, haja ngucap, rawuh mulih, gohnia base dumla 3, kasuna jangu, ulig, idu indong, uwap ring puser.

Tingkanging Sula, nyujuh hulunati, tan kawasaa nOngos. Mantran sula patuh kabehnya sambatnya, yan Sula Lindung, Sule Ari-ari. Sarana Sula Lindung: bawang jahe, isin tingkih. Sarana Sula Hari-ari: kunyit, daringo, ulig, tampel ring puser,

Tamban Sula Nyem, Sula Banyu, srana : babakan munggi, 3, isen 3 iris, encakin, duhing lengis ring panombeyan.

Srana Sule Sinduk: sgeh ring sinduk mantahin apakan, sakitnya tunggal makadi Sula Banyu. Srana Sula Lekeh, Sula Silit, lingker-lingker gringnya, srana: lekehing payuk tutuh, arengnya duh lengis panyembeyan, daringo, ulig tampel ring puser. Tamban Lara Mahuyang-Ayingan, srana: tahining wdus, wubing titing balu molah, ron majagau, lawosron, ron awal, kasuna jangu, sami lablab, adyusin, wong agring, wusnya sembar dening krikan candana, lawos,

2.b. Sembar maka ukud, mantranya Tutulak Babayan Panawar. Tamba Hanguyuhaken Rah, yan lanang yan wadon, ra karuron, srana: akah padang balulang, bawang adas, ulig tayub. Malih who blimbing besi, intuk lablab, pang lebeng, teda pang sring. Mwah who manas kalasi, gebegin uyah kuskusin, den lepah pangan,

Mantra:

“Om lara rah saking Tan hana ring sarira, mulih maring sunya tan hana, talu tawar cabar tawar tka tawar tawar, sidhi mantranku”.

Babratanya, tan kawasa jotan be guling, be sudang, taluh sarwa masiksik, udang, yuyu, pangabenan.