SALINAN LONTAR GEGURITAN SEBUN BANGKUNG

 

LONTAR

GAGURITAN

SEBUN BANGKUNG

 

Murda Lontar	: Gaguritan Sebun Bangkung
Druwe	: Giriya Gunung Payangan
Kasalin olih	: Ida Bagus Bajra
Asrama	: Pedukuhan Besakih
Puput	: 19 Agustus 2011
Kajilid olih	: YDK Bali.19.12.2020
Katureksa olih	:
Kapica	:

 

Om Awignam Astu

Geguritan Tutur Sebun Bangkung

Puh : Pucung
1.

Singgih pukulun, titiang nunas lugra, niwah Hyang Saraswati, ngapus caritane mangkin, mangda sampun, titiang keni rajapinulah.

2.

Cening bagus, cucun kaki cening bagus, de cening memadha, mengugonin daya rusit, cening bagus tutur kakine idepang.

3.

Eda keruh, teken kaki aweh tutur, ngurecak mapta, pilih-pilih sane becik, apang de saru, baan cening ngarunayang.

4.

Duke suwung, paran-paran nora metu, hana Sapta Sunya, Nirbhana ngaraneki, jag umetu, Sang Hyang Siwa Reke Nama.

5.

Siwa iku, yoganira sampun puput, mijil Sang Hyang Tunggal, Hyang Prama Wisesa mijil, sidha metu, Cintya Siwa Dewa Sanga.

6.

Iswareku, Mesora Brahma Ludreku, Mahadewa Sangkara, Wisnu Sambhu manulurin, Siwa iku, Sadhasiwa Pramasiwa.

7.

Siwa telu, mayoga sira katelu, Ida Sang Hyang Siwa, Yoganira Wusdadi, dadya metu, Ongkara maring payogan.

8.

Malih iku, Sadhasiwane puniku, mayoga tan sira, Ongkara juga umijil, pateh iku, Hyang Siwareka mayoga.

9.

Angka Wisnu, Pamadha carik umetu, madulur tengenan, Hyang Siwareka makardi, Iswareku, yoganira wus tasak.

SALINAN LONTAR RATUNING PENGIWA

 

Salinan Lontar

RATUNING PANGIWA

Murda Lontar	: Ratuning Pangiwa
Druwe	: Pedukuhan Besakih
Kasalin olih	: Ida Bagus Bajra
Asrama	: Pedukuhan Besakih
Puput	: 11 Januari 2017
Kajilid olih	: YDK Bali. 06.2021
Katureksa
Kapica	:

 

OngAwignamastu

1.a. Iti Piwelas Ni Rangdéng Dirah, Sarana, sekar pulet, wé amangan,

mantra:

Ong segara mumbul, gunung rubuh, segara asat, gégér, gégér, gégér, prawatek déwata kabéh, gandharwa, gandharwi, paran sangkaning gégér, Ni Randéng Dirah, amasang guna wisésa, turun Sang Hyang Prajapati, Bhathari Dhurga angetus atma jiwané si anu, lengleng bungeng si anu aningalin awak sariranku, aku masusupan ring surya candra, rahina sih, wngi sih, Ni Rangdéng …

1.b.

Dirah apasang guna tandruh ring rat si anu, aku juga angen, Ong gento akasa osah si anu lawan ingsun, méré dén asih, Ong manik kresna Ni Rangdéng Dirah, mulaning asih, sida sih nama swaha.

Nyan Piwelas Bhathara Ghana, Sarana, sarining sekar, sipatakna ring alista,

mantra:

Idhepaku smaranggana rumasuk ring awak sariranku, wanih sira andaluh Ki Bhathara Smara, wanih sira andalu ingsun, pangawakku Bhathara Ghana, aku andawut,…

2.a.

atma jiwané si anu, ring nétra marganira, mulih ring karnasula, marén si anu, aturu lawan ingsun, poma, poma, poma.

Iti Piwelas Jarring Sutra, ngaran, Sarana, toyo, wéh inum,