ACARA 3 BULANAN IDA BAGUS PUTU BASUKIH 11 JULI 2021 DI PEDUKUHAN BESAKIH.

 

SALINAN LONTAR KEPUTUSAN DURGHA POLENG

 

Salinan Lontar

KAPUTUSAN

DHURGHA POLENG

 

Murda Lontar	: Keputusan Durgha Poleng
Druwe	: Pedukuhan Besakih
Kasalin olih	: Ida Bagus Bajra
Asrama	: Pedukuhan Besakih
Puput	: 12 Februari 2017
Kajilid olih	: YDK Bali. 06.2021
Katureksa olih	:
Kapica	:

 

1.a. Kaputusan Dhurgha Poleng.

Om Awighnamastu nama sidham.

Iki Kaputusan Durgha Poleng, utama temen, haywa wera tan sidi phalanya, malih yan mangangge aksara iki mabersih rihin, mabrata alemeng sawengi, aywa mangan anginum, haywa mangan siri sarahina lawan sawengi, andeleng marep kaja kangin, sampun panaring suryya malih andeleng marep kaja kawuh malih makamben putih masabuk poleng, raris mreh sampun tengah wengi, mreh marepin banten, makacarunya ayam putih syungan, olah genep, nasi plupwan maledan don tlunjungan, mawadah klatkat sudhamala, canang paneng, kampuh poleng, daksina sakampuh putih, asep menan majagau candana, gula, mroh ring natar ring parempatan, angadeg matungked bangkyang ne kiwa, ne tengah mamusti, wus mroh raris maketeban. Malih yan anggen manulung wong gring, sarana, yeh anar, wadah payuk kedas, sekar warna, 11, samsam kayu tulak, kayu pugpug, kayu sisih, dapdap sakti,

1.b. sesantun genep. Artha 1.000, mreh ring sanggah kamulan, wus minantra, ketisin wong gring, ping 11, inum, ping 11, masugi, ping 11, wus mangkana dyusakna wong gring. Malih yen anggen mabhru karang, tutupin payuk ika, pendemakna ring pakarangan.

Mantra,

Om Pang kara wisesa, Ongkara wisesa, idep aku Sang Hyang Dalem maktu sakti mawisesa, kalih Sang Hyang Dalem sinunggal, makadaleming leyak kabeh, Ida Sang Hyang Dalem maketu ngawetwang kawisesan, masurupan ida ring  Ong sakti, ida Sang Hyang Dalem Sakti sinunggal, ngawetwang kawisesan, masurupan ida ring Ong Sakti, ne kalugra manjing medal.

SALINAN LONTAR KAWISESAN I MECALING

 

Salinan Lontar

KAWISESAN I MECALING

Murda Lontar	: Kawisesan I Mecaling
Druwe	: Gusti Nyoman Ngurah Prongot
Kesalin olih	: I Ketut Kaler
Puput	: 30 Agustus 1940
Kesalin malih	: Ni Made Sarini
Puput	: 26 Agustus 1988
Kesalin malih	: Ida Bagus Bajra
Asrama	: Pedukuhan Besakih
Puput	: 31 Juni 2018

 

1.b. Om Awigham Astu.

Iki ratuning I Macaling,

Mantra:

Om idep aku ratuning Macaling mawisėsa. Dėning paran-paran, lewih aku ring tengahin sagara, ulungguh aku ring gedong mas mapucak manik, tinampa aku dėning I Macaling, I Macaling katampa dėning gering, sarwaning gering, sarwaning ala, mahatur tekėning I Macaling, amara ring Madiapada, I Macalang tan mawėh, I Macalang kari a ngaturaken dėning ratun ingong, lunga I Macalang ka tengahing sagara, Bataranė di tengah ing sagara ratun I Macaling, ida magedong mas mapucak manik sakti ma wisėsea, tan kandap aku dėning watek mawarna ana dosaku watek mawarna swarnaning gering lara wisia sawarnaning wong anglėyak, sawarnaning melah, /sawarnaning

2.a.

pratiwi, sawarnaning api, sawarnaning suwung, sawarnaning sunia, sawarnaning langit, sawarnaning paran-paran, sami warnaku, apan aku I Dalemsakti ti tengahing sagara. I Dalem Macaling, kasembah aku dėning sarwa ala kabėh, ring sarwa galak, sarwa mandi kabėh, I Macalang malinggih ring Nusa pada ngaran.

Nihan I Macaling, ngamel sarwa galak, sarwa ahėng, sarwa angker, sama nembah ring I Dalem Sakti, ring tengah ing sangsara, apan aku weruh ring kita, sarwa ala kabėh, aku panguruan kita. Apan I Macaling, ratuning sakti kabėh, ratuning buta kabėh, ratuning kala kabėh, I Macaling maraga dėtya, irung kadi sumur bandung, nėtra kadi surya kembar, masiung aku sepaha depa, siung apucak upas geringsing,

2.b.

upas amanca warna, sarwa mangan; Om Am Am. aku ratuning macaling, Om nembah kita I Macaling tekėn aku, apan aku I Dalem Macaling, pada nembah kita sarwa macaling, Om Sa Ba Ta A I Na Ma Si Wa Ya. Om aku ratuning macaling, aku dėwaning macaling, aku panembah kita, aku ratuning roga, danda upata gering lara wisia, pinaksa kabėh, pada nembah ring aku, apan aku ratuning gering, aku ratuning upas, aku angawė upas, apan aku ra tuning lėyak kabėh, aku ratuning buta kabėh, aku ratuning suku pat, aku ratuning suku ro,: Om wastu kita pada nembah ring aku, apan aku ratuning macaling, janma sakti tengahing sagara, Om aku angadet tengahing sagara, murub makatar-kataran,